“Иһийии” иннинэ аҕыйах тыл
“Иһийии” иннинэ аҕыйах тыл (Баары баарынан судургутук, кылгастык) Эппиэттээх күммүт бу тиийэн кэллэ. Быыбар хамыыһыйаларын, өрөспүүбүлүкэ салалтатын, тустаах ведомстволар, куттал суох буолуутун хааччыйар тэрилтэлэр сыралаах үлэлэрин түмүгэр дойдубутугар Судаарыстыбаннай Дуума дьокутааттарын талар быыбар тэрээһинэ силигэ ситтэ, бары учаастактар дьону көрсөргө бэлэм тураллар. Онон биһиги 18-с, 19-с уонна 20-с чыыһылаларга тиийэн санаабытын биллэрэрбит эрэ хаалла. Аһара элбэх эрэннэрииттэн киһи сылайа да быһыытыйар. Сырыы аайы биир: быыбар иннинэ араас кыраһыабай роликтары таһаараллар, суруйуу тарҕанар, тугу истиэхпитин баҕарарбытын кэпсииллэр. Ол эрээри бириэмэ ааһар, этиллибит тыл, эрэннэрии сыыйа умнуллар. Онон кэрэ тылы буолбакка, дьиҥнээх дьыаланы көрүҥ. Көрүҥ Сахаларын сиригэр хайдах бэриниилээхтэрин ТВ студияларыгар кэпсээбит, агиткаларга суруйбут кандидаттары буолбакка, дьиҥ олоххо көрдөрбүттэри. ПЕТР ШАМАЕВ. Кини көннөрү чиновник буолбатах. Бостуук аҕаттан, ыанньыксыт ийэттэн төрөөбүт бэйэбит уолбут. Анал байыаннай дьайыы кыттыылааҕа. Онно төһө да атаҕын сүтэрдэр, самнан, тостон хаалбакка, эргиллэн кэлэн дойдутун туһугар үлэлии-хамсыы сылдьар. Барыллаан куоластааһыҥҥа киниэхэ 54 тыһ. тахса киһи эрэммитэ. Дьон кинини “албына-көлдьүнэ суох истиҥ, бигэ сүрүннээх уол” диэн сыаналыыра эмиэ элбэҕи этэр. Кини инники кирбиигэ чаҕыйбакка киирсибитин, бойобуой доҕотторун умнубатаҕын курдук, биһиги да эрэлбитин түһэн биэриэ, кыһалҕабытын умнуо суоҕа. ВАСИЛИЙ ЕГОРОВ. Биир дойдулааҕым, быраатым тэҥэ саныыр үтүө киһим. Саха боксатын тумус туттар киһитэ, Европа икки, Россия биэс төгүллээх чемпиона. Кини карьератын түмүктээн баран, спорду, ыччаты, төрөөбүт тыатын сирин кэскилин санаан Сахатын сириттэн харыс халбарыйбакка, "Биир Ньыгыл Арассыыйа" аатыттан Госдумаҕа турар. Мэҥэ Хаҥалас Хара бөһүөлэгэр сылгыга сыстан улаатан аан дойду, Олимпиада рингэтин таһымыгар тиийэ үүннэ. Кини ситиһии уонна кыайыы дьүккүөрдээх үлэттэн эрэ кэлэринэн этинэн-хаанынан билэр тыа уола, бэйэбит ыччаппыт. ГАЛИНА ДАНЧИКОВА. Кини араспаанньата Саха сиригэр эрэ буолбакка, Москубаҕа эмиэ киэҥник биллэр. Бу сылларга 163 сокуон бырайыагын оҥорсубутуттан, 145-һигэр Президент номнуо илии баттаата, бигэргэттэ. Галина Иннокентьевна хаһан эрэ үлэтин Өлөөҥҥө райфинотдел инспекторынан саҕалаан баран, билигин биһиги интэриэспитин Москубаҕа туруорса сылдьар. Өрөспүүбүлүкэ олохтоохторун 500-тэн тахса туруорсута – сыл аайы киниэхэ итиччэ сурук тиийэр. Ама хайдах кинини “быыбар иннинэ ойон тахсыбыт киһи” диэххиний?! Ити утумнаах үлэттэн эрэ тахсар дьыала. Ол эрээри, саамай сүрүнэ дьыала сыыппаратыгар буолбатах, саамай сүрүнэ – тыа боростуой дьоно бэйэтэ: хотон-хонуу үлэһиттэрэ, учууталлар, биэлсэрдэр, механизатордар. Уонна кинилэр эрэллэрэ, саҥа кулууптар тутуллар, суол-иис оҥоһуллар, интэриниэт киирэ, ФАП, оскуола үлэлии турар бөһүөлэктэрбит. Ити үбүлээһинин бүтүннүү “ Биир Ньыгыл Арассыыйа” туруорсан ситиһэр – хамнаһы, араас чэпчэтиини, субсидияны, о.д.а. Биллэн турар, атын баартыйалар элбэҕи эрэннэриэхтэрэ. Мин кинилэри баалаабаппын, утарбаппыт. Ол эрээри, биһиги үлэбит түмүгэ номнуо билигин, субу манна илэ көстөр. Онон “Биир Ньыгыл Арассыыйа” партия кураанаҕы эрэннэрэр партия буолбатах, кини сатыыр уонна илэ-чахчы үлэлиир: дьиэ кэргэни өйүүр, ыччат сайдарыгар тирэх буолар, социальнай хайысхалаах сокуоннары ылынар, о.д.а. Кэлиҥҥи сүүрбэччэ сыллаах ситиһиибит улахан аҥаара – кини үлэтин түмүгэр. Ол – саарбахтаммат Онон: “Саха сирин сайдыыта” диэн кураанах тылынан буолбакка, номнуо дьиҥнээх дьыаланан дакаастаабыт дьоҥҥо, “Биир Ньыгыл Арассыыйа” туһугар, куоластааҥ. Сахам дьоно, куоластааччыларым, миэхэ эрэммит-итэҕэйбит бар дьонум бу да сырыыга этэр этиибин, ыллыктаах тылбын ылыныахтара, киһи өйүн сүүйэр, сарсын умнуллар агитроликтарга-суруйууларга бэриммэккэ, эппиэттээхтик куоластыахтара, Петр Шамаевы, “Ньыгыл Арассыыйаны” талыахтара диэн эрэнэбин. P.S: Бүгүн Василий Егоров күн сирин көрбүт күнэ! Уолбутугар үрдүк ситиһиилэри ба5арыа5ың! #ЕдинаяРоссия