КУЛТУУРА САЙДЫЫТА - БИИРГЭ ТҮМСҮҮГЭ!
КУЛТУУРА САЙДЫЫТА - БИИРГЭ ТҮМСҮҮГЭ! Балаҕан ыйын 14 күнүгэр улуустааҕы Р.Г. Васильев аатынан кыраайы үөрэтэр түмэлгэ Д.Ф. Ходулов аатынан тыйаатырга режиссерунан айымньылаах үлэтин саҕалаабыт, улуустааҕы култуура салалтатыгар салайааччынан ситиһиилээхтик үлэлээбит, күн бүгүн Дьокуускайдааҕы А.Д. Макарова аатынан култуура уонна ускуустуба колледжын салайааччытынан таһаарыылаахтык үлэлиир, Ил Түмэн дьокутаата Захар Никитин култуура эйгэтин үлэһиттэрин кытта атах тэпсэн олорон үлэ-хамнас, култуура сайдыытын туһунан аһаҕас кэпсэтиини ыытта. Көрсүһүүгэ култуура араас хайысхатын үлэһиттэрэ бэйэлэрин санааларын, этиилэрин эттилэр, интэриэһиргиир ыйытыктарыгар хоруйдары ыллылар. Култуура - омукпут тыына, кини кэскилэ итиэннэ көлүөнэлэри ситимниир ураты күүс. Бу курдук кэпсэтии култуура эйгэтигэр үлэлиир-хамсыыр дьону түмэргэ, инники былааннары торумнааһыҥҥа улахан суолталаах, култуура эйгэтин сайдыытыгар, дьон өйүн-санаатын өрө көтөҕүүгэ олук буолара саарбахтаммат. #ДойдубутТуһугар! #МэҥэХаҥалас #СахаСирэ #ЕдинаяРоссия #ВместеМыСила