Бүгүҥҥү Өрөгөйдөөх Кыайыы күнүнэн, Аҕа дойду Улуу сэриитин кыттыылааҕын, Мэҥэ Хаҥалас у... — 9 мая 2026 г. в 13:17:50.156
Бүгүҥҥү Өрөгөйдөөх Кыайыы күнүнэн, Аҕа дойду Улуу сэриитин кыттыылааҕын, Мэҥэ Хаҥалас улууһуттан соҕотох бэтэрээммитин, 103 саастаах ытык киһибитин, Алексей Николаевич Березкины эҕэрдэлээтибит. Алексей Николаевич Аҕа дойду Улуу сэриитин кыттыылааҕа, үлэ бэтэрээнэ, РСФСР успуордун бэтэрээнэ, Саха Өрөспүүбүлүкэтин, Мэҥэ Хаҥалас улууһун бочуоттаах олохтооҕо. 20 сааһыгар сэриигэ ыҥырыллан, Уһук Илиҥҥи фроҥҥа 368-с особай горно-стрелковай полка Сунгарийскай хайысхатыгар разведчигынан сулууспалаабыта. 1947 сыллаахха эргиллэн кэлэн баран, 1995 сылга дылы дойдутугар үтүө суобастаахтык үлэлээбитэ. Спорду өрө тутар буолан, Алексей Николаевич сүүс сааһыгар дылы сүһүөҕүн үрдүгэр сылдьыбыта. Күн бүгүн, ол кэм ыар тыынын этинэн-хаанынан билбит, уот сэрии алдьархайын илэ хараҕынан көрбүт ытык киһибит, Алексей Николаевич олорбут олоҕун холобуругар кини кэнэҕэски ыччаттара иитиллэллэр, киэн тутталлар, холобур оҥостоллор. Ытыктыыр, убаастыыр киһибитин, Алексей Николаевиһы, өссө төгүл Кыайыы күнүнэн итиитик-истиҥник ис сүрэхпиттэн эҕэрдэлиибин! Тус бэйэҕэр, чугас дьоннор чэгиэн туругу, дьолу-соргуну, этэҥҥэ буолууну баҕарабын! Сиэннэрэ Нарыйа, Татьяна эһэлэрин 100 сааһыгар олус интэриэһинэй сайт оҥорбуттара кэрэхсэбиллээх.