Бэҕэһээ, муус устар 18 күнүгэр, «Арчы» дьиэтигэр ыытыллыбыт «Өбүгэ кэнэҕэски ыччакка ал...
Бэҕэһээ, муус устар 18 күнүгэр, «Арчы» дьиэтигэр ыытыллыбыт «Өбүгэ кэнэҕэски ыччакка алгыһа: кэскили уруйдуу...» диэн ааттаах форумҥа сырыттым. Киэҥ хабааннаах тэрээһиҥҥэ үгүс култуура, билим үлэһиттэрэ кыттыыны ыллылар. Казахстантан Өрөспүүбүлүкэтиттэн, Бурятияттан, Башкортостантан сүрүннүүр научнай үлэһиттэр, ученайдар кэлэн ыалдьыттаатылар. Форумҥа сүрүннээн, Саха норуотун сүрүн бырааһынньыга «Ыһыах» тула кэпсэтии буолла. Хас да чаастаах үлэ түмүгэр ыһыаҕы харыстааһыҥҥа, үйэтитиигэ резолюция ылылынна. Ол курдук, Арассыыйа ЮНЕСКО Конвенциятыгар кыттыһыытын өйөөн, ыһыаҕы ЮНЕСКО киһи-аймах матырыйаалынайа суох култуурунай нэһилиэстибэтин Репрезентативнай испииһэгэр киллэриигэ үлэлэһэргэ сыал-сорук турда.