Татар эстрадасының ныклы гаиләләре — 29 мая 2026 г. в 22:39:27.070
Татар эстрадасының ныклы гаиләләре ❤️Салават Фәтхетдинов белән аның тормыш иптәше Ләйсән 1987 елдан бирле бергә. ❤️Айдар Галимов белән Зилә 1989 елда Уфа автотранспорт техникумында укыган чакларында танышалар. Зилә җырчыны армиядән көтеп ала, ә демобилизациядән соң бер ел үткәч, алар өйләнешәләр. ❤️Гүзәл Уразова белән аның тормыш иптәше - җырчы Илдар Хәкимов 2003 елның 6 августында гаилә корып җибәрәләр. Артистлар 2002 елда гастрольдә чакта танышалар һәм шул вакыттан бирле алар гел бергә. ❤️Зәйнәб Фәрхетдинова белән Зөфәр Билалов 1988 елда өйләнешәләр. Алар Казан дәүләт мәдәният институтында укыганда таныша. Бергә «Иделкәй» ансамблендә чыгыш ясыйлар. ❤️Фирдүс Тямаев белән Резеда Әхмәтвәлиева 2013 елның 26 октябрендә өйләнешәләр. Артистлар 2010 елда Фирдүснең туган шәһәре Нурлатта таныша һәм, бергә чыгыш ясап, гастрольләргә чыгалар.