ҠЫЯР ТӘҢКӘЛӘРЕ — 27 июля 2026 г. в 04:36:35.360
ҠЫЯР ТӘҢКӘЛӘРЕ Эй, ҡыярҙың ҡайҙа ғына ҡуйып бөтөргә белмәгән мәле! Биш төп ҡыярымдың уңышын нисек әрәм-шәрәм итмәҫкә? Өс литрлыҡ банкаларға күп итеп тоҙлаусылар аптырамайҙыр, әлбиттә, ә бына минең кеүек тоҙло ҡыярға иҫе китмәгән яңғыҙ тамаҡтар өсөн ҡулай бер рецепт тәҡдим итмәксе булам. Исеме — "Ҡыяр тәңкәләре". Тәңкә булғас, башта ҡыярҙарҙы түңәрәкләп ҡырҡабыҙ. Таҙа итеп йыуылған ярты литрлыҡ банкаларҙың төбөнә укроп япраҡтары, һарымһаҡ, түңәрәк ҡара борос, булһа горчица, уксус, көнбағыш майы һәм шуларҙың өҫтөнә һыйған тиклем ҡыяр тәңкәләре һалабыҙ. Банкаларға һалҡын һыу ҡоябыҙ. Ҙур кәстрүлдең төбөнә таҫтамал йәйеп, өҫтөнә банкаларыбыҙҙы теҙәбеҙ, ҡапҡастарын һалабыҙ һәм яурындарына тиклем йылымыс һыу тултырабыҙ. Ҡайнап сыҡҡандан һуң 15 минут стерилләйбеҙ (артыҡ булмаһын, юғиһә ҡыяр ныҡ бешә, кетерләмәй). Иң аҙаҡ банкаларҙы кәстрүлдән алып, ҡапҡастарын нығытабыҙ ҙа түңкәреп һыуытырға ҡуябыҙ. Ҡапларға кәрәкмәй! Ярты литрлыҡ бер банка өсөн кәрәк: • Ҡыяр - 300 г (һыйған тиклем). • Укроп - 2 шәлкем. • Һарымһаҡ - 1-2 теш. • Ҡара борос - 2-3 шт. • Горчица орлоғо - ярты сәй ҡалағы. • Тоҙ - 1 сәй ҡалағы. • Сахар - 2 сәй ҡалағы. • Уксус 9% - 1 аш ҡалағы. • Үҫемлек майы - 1 аш ҡалағы. Уңышлы ғына килеп сыҡһа, тел йоторлоҡ тәмле була. Рәхимә Мусина