"СУНТААР СОНУННАРА" официальный МАХ канал редакции
Без категории · 13 апреля 2026 г.
✅Трофим Иванов: “Норуодунай бырагыраамаҕа салгыы үлэлиибит”
✅Трофим Иванов: “Норуодунай бырагыраамаҕа салгыы үлэлиибит” «Биир ньыгыл Арассыыйа» «Түмүк баар!» эрэгийиэннээҕи отчуоттуур-бырагыраамалаах пуорумун чэрчитинэн, “Территориялары сайыннарыы – куоракка уонна тыа сиригэр олох хаачыстыбатын тупсарыы” төгүрүк остуол ХИФУ Инженернэй-тиэхиньиичэскэй институтугар буолла. Пуорумҥа кэпсээбиттэринэн, 2021-2025 сс. 820 тыһ. кв.м. саахалланар туруктаах дьиэттэн дьону көһөрбүттэр. Маны таһынан, 2006 км суол өрөмүөннэммит. Биэс сыл иһигэр гаас ситимигэр 10 тыһ. дьиэ холбоммут. Куораттарга 570 дьиэ тиэргэнэ уонна 378 пааркалар, искибиэрдэр, кытыл үрдүлэрэ саҥардылан оҥоһуллубуттар. Төгүрүк остуолга СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников, Тырааныспар миниистирэ Владимир Сивцев уо. д.а. кытыннылар. “Куорат эйгэтэ”, “Арассыыйа тыатын сирэ”, “ОДьКХ оскуолата”, “Куттала суох суоллар” бырайыактарынан киэҥ ыҥырыылаах кэпсэтии таҕыста. “Биир ньыгыл Арассыыйа” Сунтаардааҕы салаатын толорооччу сэкирэтээрэ Трофим Иванов төгүрүк остуол кэнниттэн: - Улуустан 26 нэһилиэк баһылыга кэлэн кытта сылдьабыт. Алта төгүрүк остуолга кыттан, санаа атастастаһан, долгутар боппуруостарбытын ыйытан, туруорсан, олус интэриэһинэй, дьоһун кэпсэтиилэр буоллулар. «Түмүк баар!» тэрээһин олус наадалаах диэн бэлиэтиэм этэ. “Биир ньыгыл Арассыыйа” биэс сыл иһигэр туох үлэ ыыппытын бары көрө-билэ сылдьабыт. Ол курдук, күннээҕи олохпутугар дьоһун суолталаах бырагыраамалар, бырайыактар үлэҕэ киирдилэр. Онон, Норуодунай бырагырааманы салгыы өйөөн, күүскэ үлэлэһиэхпитин наада диэн эттилэр, - диэн иһитиннэрдэ.