⚡️Ҡорбан ғәйете алдынан йыш бирелгән һорауҙарға яуаптар
⚡️Ҡорбан ғәйете алдынан йыш бирелгән һорауҙарға яуаптар Нимә ул ҡорбан? Ғәйет көнөндә салынған ҡорбан итен нисек таратырға? Ҡорбан ғәйете алдынан йыш бирелә торған һорауҙарға яуаптарҙы түбәндә уҡығыҙ һәм видеояҙмала тыңлағыҙ. ✅1. "Ҡорбан" һүҙе нимәне аңлата? «Ҡорбан» һүҙе "яҡынайыу", "яҡыныраҡ булыу"ҙы аңлата. Дини яҡтан тәржемә иткәндә, Аллаһ Тәғәлә ризалығы өсөн малды ҡорбан итеү. ✅2. Ҡорбан салыуҙың әһәмиәте ниндәй? 1. Ҡорбан салыу Аллаһ Тәғәләнең йыл буйы биргән ниғмәттәре өсөн рәхмәтеңде белдереү һәм бурысты үтәү. 2. Гөнаһтар юйыла, сауап яҙыла. 3. Ҡорбан, салған кешене, Ҡиәмәт көнөндә Сират күперенән үткәрер һәм уттан ҡотолоуға сәбәп булыр. 4. Ярлыларға ит менән ярҙам итеү. ✅3. Ҡорбан салыу мотлаҡ кәрәкле эшме? Хәнәфи мәктәбе буйынса Ҡорбан салыу мотлаҡ ғәмәл һынала. Аллаһ Тәғәлә Ҡөръәндә әйтә: "Аллаһ Тәғәләгә байрам намаҙын уҡып ғибәҙәт ҡыл һәм малыңды ҡорбанға килтер"(108:2) ✅4. Кем өсөн Ҡорбан салыу тейешле ғәмәл һынала? Ҡорбан салыу өсөн кеше: - мосолман булырға; -эшкә һәләтле(дееспособный); -бәлиғ булырға(совершеннолетний); -иреклектә булырға; -сәфәрҙә булмаҫҡа; -минималь килемле булырға тейеш. ✅5. Ниндәй малды ҡорбан итергә була? -һарыҡ, кәзә. -һыйыр, үгеҙ, буйвол. -дөйә. Һарыҡ һәм кәзәгә кәмендә 1 йәш булырға тейеш. Һыйыр малына2 йәш, ә дөйә 5 йәшлек булырға тейеш. (Әгәр 6 айлыҡ һарыҡ малы 1 йәшлек ауырлығында булһа, Ҡорбан итергә мөмкин). Малдың киләһе етешһеҙлектәре булырға тейеш түгел: 1. Бер күҙе һуҡыр. 2. Көсһөҙ, хәлһеҙләнеп торған мал. 3. Өстән бер өлөшөнән ҙурыраҡ йә ҡолағы, йә ҡойроғо булмаһа. Тештәре булмаһа(яртыһы, йә күберәк). 4. Мөгөҙө һыныҡ булһа. 5. Аҫҡап йөрөһә. 6. Ауырыу булһа. ✅6. Ҡорбанды мотлаҡ байрам көнө салдырырғамы? -Юҡ. Ҡорбанды байрам көнө, һәм тағы унан һуң ике көн ҡояш байығанса тиклем салырға була. (беренсе көн салдырһағыҙ яҡшыраҡ). ✅7. Ит менән нимә эшләргә? Бар итте лә таратыр кәрәкме? Ҡорбан итен өс өлөшкә бүлһәгеҙ хәйерлерәк булыр. Беренсе өлөшөн үҙегеҙгә ҡалдырығыҙ, икенсе өлөшөн ҡунаҡтарға, өсөнсөһөн фәҡир, ярлыларға таратһағыҙ сауабы күберәк булыр. ✅8. Ҡорбан ғәйете көнөн, уға ҡараған төндө нисек үткәрергә? 1. Байрам төндәрен намаҙҙа, ғибәҙәттә үткәреү, уҡылмай ҡалған намаҙҙарҙы уҡып ҡуйыу хәйерле. Был төндә доғалар ҡабул була🤲🏻 2. Байрам иртәһендә иртәрәк тороп ғөсөлләнеү яҡшы. 3.Таҙа, йә яңы кейем кейеү. 4.Тәмле майҙар(благовония) менән ҡулланыу. 5. Әгәр мөмкин икән, намаҙға йәйәү барыу. Пәйғәмбәребеҙ ﷺ байрам көнө намаҙ уҡыу урынына тиклем йәйәү барған. 6. Күберәк фәҡирҙәргә, ярлыларға саҙаҡа биреү. 7. Намаҙға китеп барышлай тәкбир әйтеү:«Аллаһу Әкбар, Аллаһу Әкбар, лә иләһә иллә Ллаһу, Аллаһу Әкбар». 8. Әгәр кеше Ҡорбан салдырырға ниәтләй икән, итен тәмләп ҡарағанса тиклем ашамай тороу. 9. Ҡорбан итен ашау. 10. Ғаиләңә яҡшы мөғәлләмәлә булыу. Иң мөһиме – байрам кәйефен тойоу.