| БАЙ-ХААК ШКОЛАЗЫНЫҢ 110 ЧЫЛ ОЮНГА |
| БАЙ-ХААК ШКОЛАЗЫНЫҢ 110 ЧЫЛ ОЮНГА | 💥Узун төөгүлүг Бай-Хаак школазы 📢1916 чылдың сентябрь 21-де Верхне-Никольск хоорайга (Бай-Хаак суур) эге школа тургустунган. Макаров деп бай-шыырак тараачынның өөнге үжен хире оолдар, уругларга кичээлдерни эрттирип турган. Баштайгы директору Даг-Алтай чурттуг Анаев 1930 чылдың күзүнүнде айыыл-халапка таварышкаш мөчээн. Ынчалза-даа чоннуң кижизидилгези доозулбаан. Документилерден алырга, школаны 1918 чылдың төнчүзүнде тудуп дооскан. Школа тудуунга суурнуң чону, өг-бүле бүрүзү шупту киржип турган. 1930 чылдарда эге школаны чеди чыл, 1940 чылдарда ортумак школа кылдыр эде кылган. Амгы кожуун библиотеказының оран-савазынга уругларны тыва дылга очулдурукчуларлыг орус башкылар өөредип турган. Уургайлыгга, Успенкага, Берёзовкага чүгле эге класстар турган болгаш, өөреникчилер Бай-Хаакче аъттарлыг чоруп азы хууда бажыңнарга чурттап өөренип турганнар. 1925 чылдан эгелеп орус болгаш тыва уруглар школа-интернатка чурттап эгелээн. 1943 чылда Бай-Хаак школазының 10 өөреникчизи Ада-чурттуң Улуг дайынынче чораан: Ойдуп-оол Оюн, Айжыы, Хүнленмей, Седип-оол, Сырат-оол Оюн, Тажы-Сат Оюн, Кежиг, Михаил Сундуй, Нордуп-оол Монгуш, Буян Тюлюш. https://vk.ru/wall-201111625_70139