💥Эрткен чылдарга деңнээрге, соңгукчулар саны көвүдээн
💥Эрткен чылдарга деңнээрге, соңгукчулар саны көвүдээн 📢Чөөн-Хемчик кожууннуң Бажың-Алаак суурунда 71 дугаар соңгулда участогу чаңчыл езугаар эртенгиниң 8 шакта ажыттынган. Бажың-Алаак суурнуң 19 харлыг чурттакчызы, Тываның информастыг технологиялар техникумунуң 3-кү курузунуң сургуулу Ринчен Ооржак бо чылын чер-чуртунуң салым-чолу дээш бир дугаар соңгуп чедип келген. "Соңгулдада бир дугаар соңгуп чедип келдим. Меңээ ол аажок солун болгаш өөрүнчүг-дүр. Мээң сургуул эштерим база боттарының суурларында бир дугаар соңгуп турарлар. Соңгуп чедип келиримге, хол белээн база сундулар. Өөрүп четтирдим" — деп, Ринчен Ооржак чугаалаан. Ооң мурнунда чылдарга деңнээрге, бо соңгулда үезинде соңгуп турар кижилер саны хөй. Даң бажында-ла 250 кижи соңгуп каапкан. Ниитизи-биле Бажың-Алаак суурда 928 чурттакчы бар. Чоокку 5 чыл дургузунда Бажың-Алаак сумузунда чаартылгалар болуп, чурттакчылар саны база көвүдеп турарын участок соңгулда комиссиязының даргазының оралакчызы Белла Ооржак демдеглээн. Бистиң корр. Буян ООРЖАКТЫҢ тырттырган чуруктары.