📢Хүндүлүг Владислав Товарищтайович!
📢Хүндүлүг Владислав Товарищтайович! Чылыг сагыш-сеткилден чагаа болгаш Кызыл хоорайга Делегей чергелиг IV буддийжи шуулганның киржикчилерин бедик хүндүткел-биле уткааныңар дээш, Силерге өөрүп четтирдим. Бо чырык шуулганның болуушкун бүрүзү ажык сеткил, чаңчылдарга ханы ынакшыл болгаш сибирьжи мөзү-бүдүштүң дээжизи болду. Ёзулуг бүгү улусчу байырлал үезинде Силерни кайгамчыктыг республикаңарның аалчызы боору – анаа-ла чоргаарал эвес, сагыш-сеткилдиң ёзулуг киискиишкини. Россияның чоннарының чаңгыс эп-сеткилиниң чылында чурттуң буддийжи регионнары Россия Федерациязы биле буддийжи Азияның аразында найыралдың көвүрүү дээрзин бадыткааны бир янзы онзагай. Российжи буддизмниң байлак сагыш-сеткил өнчүзүн, бистиң улуг хөй националдыг болгаш хөй шажын-чүдүлгелиг күрүневистиң культурлуг кодун бүгү делегейге Тыва Республика төлептии-биле көргүскен. Делегей чергелиг IV буддийжи шуулган Калмык Республика биле Тыва Республиканың аразында найыралды болгаш кады ажылдажылганы улам ханыладырынга улуг идиг болган. Кады боттандырар чаа онзагай төлевилелдер, кол-ла чүүл, бистиң чоннарывыстың акы-дуңма харылзаалары улам быжыгары ам-даа бистиң мурнувуста дээрзинге бүзүрелдиг мен. Ниити Ада-чуртувуска төлептии-биле бараан боорда, бистиң республикаларывыстың чоннарының чаңчылдары болгаш сагыш-сеткилиниң күжү кезээде кады бурунгаарлап чоруур болзун. Үш дээди сүлде — тайбың, хөгжүлде болгаш эп-найырал Тыва биле Калмыкияга ачы-дуза болзун! Калмык Республиканың Баштыңы Бату Хасиков.