СОҢГУЛДА-2026
СОҢГУЛДА-2026 💥Соңгуурундан хөгжүлде хамааржыр 📢РФ-тиң Күрүне Думазының депутаттарының болгаш Тыва Республиканың баштыңының соңгулдаларынга Улуг-Хем кожууннуң соңгукчулары бичии уруг-дарыын безин эдертип алган, бүдүн-бүдүн өг-бүлелери-биле кээп турар, ол хире идепкейлиг болганнар. Оларның бичии ажы-төлүнге белектерни соңгулда участоктарында белеткеп каан. Ол чүүл бодунуң чуртунуң ажыл-херектеринге идепкейлиг киржир чаңчылды уруг-дарыгны бичиизинден-не чаңчыктырары-дыр. Бодунуң соңгулда участогунга Улуг-Хем кожууннуң Төлээлекчилер хуралының даргазы Артыш Кара-Сал хамааты хүлээлгезин күүсеткен. Улуг-Хем кожууннуң администрациязының даргазы Эрес Мандан-оол паспортта киир бижидилгезиниң аайы-биле Арыг-Үзүү суурда соңгулда участогунга бадылаан. “Бистиң бөгүнгү шилилгевистен бистиң чуртувустувустуң келир үеде хөгжүлдези хамааржыр” деп Эрес Мандан-оол, бадылап тура, чугаалаан. Улуг-Хем кожуунда ырак-узак, чедери берге черлерже соңгулданың тускай бригадалары үнүпкен. Ынчангаш бо чугула болуушкунга кым-даа киржилге чок артпас. Бадылаашкынны көскү болгаш шынчы чорударынга дузалыг шупту байдалдар кожууннуң соңгулда участок комиссияларында тургустунган. Соңгулда участок комиссиялары бадылаашкыннар чажыт болурун магадылап турар. Медээни болгаш чуруктарны Улуг-Хем кожууннуң социал четкиде арнындан алган.