💥Соңгулда-2026
💥Соңгулда-2026 📢Бадылаашкын кидин түлүк Хоорайжыткан Каа-Хемниң 93 дугаарлыг соңгулда участогунда бадылаашкыннар кидин түлүк чоруп турар. Каа-Хемниң 1 дугаар школазында соңгулда участогунда хөй-ниити хайгааракчылары, соңгулда комиссиязының кежигүннери база онза байдалдар болгаш полиция ажылдакчылары эртенгиниң 8 шактан кежээ 20 шакка чедир ажылдаар. Үш хүннүң дургузунда соңгукчулар Россия Федерациязының Федералдыг Хуралының Күрүне Думазының тоску чыыжының депутаттары, Тыва Республиканың Баштыңы дээш бадылаарлар. 93 дугаар соңгулда участогунуң даргазы Елена Оюн соңгукчулар идепкейлиг киржип турар дээрзин дыңнатты. «Бөгүн соңгулдаларның бир дугаар хүнүнде соңгукчулар идепкейлиг соңгуп турлар. Бистиң соңгукчуларывыстың саны 2200 кижи. «Коммунистиг партия», «Чаңгыс демниг Россия» партияларындан хайгааракчылар бар. Онза байдалдар биле полиция ажылдакчылары чурумну хайгаарап турар» — деп, Елена Борисовна чугаалады. А. СОЯН. Авторнуң тырттырган чуруктары.