Соңгулда-2026
Соңгулда-2026 💥Идепкейлиг соңгуп турар 📢Чаа-Хөл кожууннуң шупту суурларында соңгулда участоктарының чанынга бөгүн ажыл-херектери хөй кижилер, эртен эрте-ле соңгуур дээш, чыглып эгелээннер. Соңгулда участоктары 8 шакта ажыттынарга-ла, олар соңгуп каапкаш, ажыл-херектеринче далажып чоруп турганнар. Сиген шөлдеринде мал чеминге белеткел дээн ышкаш чай-хос чок ажылдарлыг кижилер баштай соңгааннары ол. Соңгулдаларга үргүлчү киржип, боттарының шилилгезин бадылаашкын дамчыштыр илередип турарын кожууннуң социал төптүң ажылдакчылары Айдысмаа Түлүш, Чодураа Куулар олар чугаалааннар. Дүъшке чедир Чаа-Хөл кожууннуң соңгукчуларының чартык кезиинден хөй хирези боттарының хамааты хүлээлгезин күүседип, деткип турары кандитаттары дээш бадылааннар. Ш. Күжүгет. Урана Седипейниң тырттырган чуруктары.