Соңгулда-2026
Соңгулда-2026 💥Бөгүн Тывада үш хонуктуң чаңгыс аай бадылаашкынны эгелээн 📢Бөгүн, сентябрь 18-те, Тывада, бүгү чуртта ышкаш, чаңгыс аай бадылаашкын хүнү эгелээн. Соңгулда участоктары эжиктерин таптыг-ла 8.00 шакта ажыткан, баштайгы минуталардан-на хамаатыларның идепкейи бедик болуп турар. Чурттакчы чон хамааты хүлээлгезин күүседири-биле соңгулда участоктарынга даң бажындан-на кээп турар. Тус черниң чурттакчылары соңгулдаларга идепкейлиг киржип, республиканың болгаш чурттуң келир үезинге бердингенин көргүзүп турар. Бадылаашкын үш хонук үргүлчүлээрин сагындыраал — сентябрь 18, 19 база 20. Участоктар хүннүң-не 8.00 шактан 20.00 шакка чедир ажылдаар. Хамаатыларга эптиг болзун дээш, соңгулда комиссияларынче чаңчылчаан үнүүшкүннерден эгелээш, бажыңга бадылаарынга чедир янзы-бүрү хевирлерни саналдап турар.