I СОНУУРГАКТАРГА I — 13 сентября 2026 г. в 08:20:01.114
I СОНУУРГАКТАРГА I 💫Дүргектээн туалет саазынын бир дугаарында 1890 чылда АКШ-ка бүдүрген. Ону амгы үеде делегейде сураглыг Skott деп фирма кылып турган. Ол фирма чигзинчиг бараанга бодунуң адын парлаар деп бодаваан-даа. 💫Француз чогаалчы Жюль Верн 1863 чылда «Париж ХХ векте» деп номну бижээн. Ында метро, автомобиль, электрилиг сандай, компьютер дээш харын-даа интернетти безин тодаргай бижээн. Ынчалза-даа чогаалчы ону парладырын ойталаан, ол 120 чылдар ишти уттундурган. Чүгле 1989 чылда Жюль Вернниң уйнуунуң оглу ол рукописьти душ болуп тып алган. 1994 чылда номну бир дугаар парлап үндүрген. 💫Зажигалканы 1823 чылда, сереңгини безин 3 чыл мурнай, чогаадып каан. 💫Индий чаанның төлү иезиниң хырнынга 25 ай дургузунда боттанып өзер. 💫Көрей Улусчу-Демократтыг Республиканың (КНДР) баштыңы Ким Чен Ир 1941 чылдың февраль 16-да ССРЭ-ниң девискээринге, Хабаровскудан 70 километрде Вятское суурга төрүттүнген. Төрүттүнерге, Юрий Ирсенович Ким деп адаан турган. 💫Австралияда соңгулдаларже чылдагаан чок келбээни дээш, хамаатыга улуг штраф торгаар. 💫Акулалар чүнү-даа чиир. Ол араатан балыктарның ишти-хырнындан хемелер бузундулары, автомобильдерниң резин покрышкалары дээш, харын мырыңай рыцарьларның куяк хевин безин тып ап турган. 💫Москванның миллион дугаарлыг чурттакчызы 1897 чылда төрүттүнген. Чуруктарны ГигаЧатка чураан. “Шын” №35 2026 чылдың сентябрь 10