💥Кандыг-даа чон сагылга-чүдүлгелиг
💥Кандыг-даа чон сагылга-чүдүлгелиг 📢Өгбелерниң көшкүн амыдыралы шаандан тура-ла чер-чурт, бойдус-биле сырый, тудуш чораанын билир бис. Сүлде-сүзүк, шажын-чүдүлге, хамнаашкын ол үелерниң амыдыралының бир чугула кезээ турганын төөгү чугаалап турар. Шажын өөредии кижилерниң угаан-медерелинге салдарлыг болуп, ооң эге өөредиин, билиглерин элээди оолдар хүрээлерге хуурактар бооп өөренип турганнар. Чуртувус чаарттынып, чаа эргилде тургустунуп турар үеде шажын-чүдүлгени узуткап, хүрээ-хииттерни өрттедип, ооң ажылдакчыларын тудуп, хоругдап, сүрүп турган төөгүнүң үелери турган. Үе чаңгыс черге турбаан, ооң аайы-биле эде тургустунуп, хостуг чорукту чарлаптарга, сарыг шажын катап эглип, хоозураан улус-чоннуң бот-медерели оттуп, чүдүлге-сүзүглелинче катап эглип келген. https://vk.ru/wall-201111625_69177