💥Георгий кожаазының төөгүзү
💥Георгий кожаазының төөгүзү 📢Георгий кожаазы эң-не баштай Георгий Ордени-биле катай 1769 чылдың ноябрь 26-да Екатерина II хаанның бадылааны-биле тывылган. Ыдыктыг Георгий Орденин дайын шөлүнге маадырлыг чоруу дээш база шериг херээнге берген шын сүмелери дээш тыпсып турган. Кожааның өңү — кара болгаш сарыг. Кара өң — ышты, сарыгзымаар кызыл өң — чалбыышты илеретпишаан, шериг шылгаралдың болгаш алдарның демдээ болур. 1806 чылда орус армияга Георгий Туктарын шаңналга киирген. 1917 чылдан тура кожааны хоруп каапкан. Чүгле 1941 чылда кожааны катап тургускан болгаш "Гвардейская лента" деп адаан. Ада-чурттуң Улуг дайынының чылдарында орус армияның дайынчы чаңчылдарын уламчылаары-биле үш чадалыг Алдар Орденин үндезилеп тургускан. Алдар Ордени болгаш Георгий кожаазының сарыг-кара өңнери Георгий Крестизин сагындырып турар. 1992 чылдың март 2-де РСФСР-ниң Дээди Совединиң Президиумунуң "Россия Федерациязының күрүне шаңналдарының дугайында" айыткалы-биле шериг "Ыдыктыг Георгий Орденин" болгаш "Георгиевский Крест" деп ылгавыр демдекти катап тургузар дугайында шиитпирни хүлээп алган. Георгий кожаазын кыстырарының чуруму: 1. Үрелген кожааны кыстырбас. 2. Баш дүгүнге кыстырбас. 3. Шнур багга кыстырбас. 4. Белден куду кыстырбас. Кожааны баглаарының хевирлери аңгы-аңгы.