💥️"Тополь" кыйгы аттыг тыва аңчы
💥️"Тополь" кыйгы аттыг тыва аңчы 📢Артемовск чоогунда болган маадырлыг тулчуушкун дугайында төөгүнү ТАСС чырыткан. 2023 чылдың майда "Сибирь" деп казактарның волонтер батальону Артемовск хоорайның чөөн талазында 16 шак дургузунда чидиг тулчуушкунну кылган. Украинаның чепсектиг күштерин чылча шапкан бөлүктүң аразында Тополь деп кыйгы аттыг Тываның төлээзи база турган. ТАСС-тың дыңнатканы-биле алырга, батальон командири, Россияның Маадыры Олег Ликонцевтиң (кыйгы ады Кан) чугаазы-биле Тополь хамааты мергежили аңчы чораан. Ол тулчуушкун мурнунда-ла чажыт, дыка камгалалдыг туружун тып алган турган. Ону казактар «Крестик» деп адап турган. Май 10-11 хүннериниң дүнезинде Украинаның чепсектиг күштери база бир халдаашкынны эгелээн. Оларның командылакчызы баштаан казактар бөлүү «Крестикке» чедип келгеннер. Дайзын чүгле 25 метр ыракта турган болгаш ырактан: «Орустар, дүжүп бериңер!» алгырарга, тыва дайынчының харыызы кыска болгаш дошкун болган. Олег Ликонцевтиң чугаазы-биле «Крестик» бөлүкке он казак чыглып келген. Оларның ок-чепсээ төне бээрге, чүгле ийи гранатомет артып калган. Олар артиллерияның шавар халдаашкынын боттарынче кыйгырып, шыдажып эрткеннер. Дайзыннарның даң бажында туружун эгидип алыр оралдажыышкыннары казактарның салган миналыг шөлдери үреп каапканы-биле УЧК дедир дезер ужурга таварышкан. Бо төөгү 2023 чылдың чазынында «Сибирь» бөлүүнүң казактарының маадырлыг камгалалының чүгле бир болуушкуну-дур. ТАСС-тың материалында (2026 чылдың май 8-те "Шупту маадырлар ында турган" Казактарның Артемовск чоогунда тулчуушкунну канчаар дүвүредип турганы" деп статьядан ушта бижээн). ТАСС-тың чуруу.