р эвилелиниң кежигүннери Москва хоорайда болгаш Москва облазының госпитальдарында чыдар...
р эвилелиниң кежигүннери Москва хоорайда болгаш Москва облазының госпитальдарында чыдар ТШО киржикчилеринге барып ужуражып, боова, боорзак, курут, чигир-чимис дээш амданныг аъш-чемни чедирдивис. Сөөлгү хүнде база госпитальда эмнедип чыдар дайынчыларывыска изиг чемни чедирдивис. «Төрээн өөнүң чылыы» акцияның волонтёрлары Зоя Доржуевна Моңгуш, Анжела Өнер-ооловна Серен-оол, Чечен Киим-ооловна Маады. / Зоя МОНГУШ, Тыва Республиканың культуразының болгаш уран чүүлүнүң хоочуннар чөвүлелиниң даргазы. Чуруктарны авторнуң архивинден алган. “Шын” №11 2026 чылдың март 26 ШЫН ШЫН 29 мар 2026 в 11:00 💥Ыяш Будда (Өөредиглиг чугаа) 📢Бир-ле черге сеткилиниң ханызындан Буддага бердинген кижи чурттап чораан. Ооң хүннүң-не ыдыктыг кылдыр көрүп, тейлеп чүдүүр бурганы бар – ыяштан чазаан Будда. Оозун аажок камнаар, хүндүлээри кончуг. Бир-ле катап чыккылама соок кыштың дүнезинде ол доңа берген. Мырыңай-ла шимчээр арга чок кылдыр көжүп эгелээн. От салып алыр хире чээргени-даа, чаңгыс чарты-даа чок кылдыр төне берген. Харыксырап доңган кижи багайтыр Буддага тейлеп чыдырда, хенертен ол чедип келгеш айтырган: «Чүге мээң ыяш дүрзүм-биле от салып албааның ол?». Кижи корга бергеш, чүү мындыг шулбус мени мегелеп турар чоор деп боданмышаан: «Чүү дидир сен? Будданы өрттедир? Чок! Кажанда-даа, канчап-даа ону өрттетпес мен!» – деп удурланган. Будда каттырбышаан чугаалаан: «Бир эвес сен мени ыяшта деп бодап турар болзуңза, олчаан тыппас сен. Мен сээң чүрээңде мен! Ыяшта дүрзүнү кыпсывыт!». / Идегел МОНГУШ очулдурган. Чурукту ГигаЧатка чуруткан. “Шын” №11 2026 чылдың март 26