💥Хөй-ниити хайгаарал комиссиязы ажылын түңнээн
💥Хөй-ниити хайгаарал комиссиязы ажылын түңнээн 📢Март 20-де ТР-ниң Дээди Хуралының хуралдаар залынга Тыва Республиканың Хөй-ниити палатазының ээлчег чок пленарлыг хуралы болуп эрткен. Аңаа Хөй-ниити хайгаарал комиссиязының 2025 чылда кылып чоруткан ажылының дугайында илеткелди ук комиссияның даргазы Евгений Лицкевич кылган. Сагындырып каар чүүл – 2008 чылдың июнь 10-да бадылаан «Албадал-биле тудуп хоругдаар черлерде кижилерниң эргелерин хандырып турарының хөй-ниити хыналдазы болгаш албадал-биле тудуп хоругдаар черлерде хамаатыларга деткимче көргүзериниң дугайында» №76-ФХ Федералдыг хоойлуга дүүштүр Тыва Республиканың Хөй-ниити хайгаарал комиссиязы албадал-биле тудуп хоругдаар черлерде (полиция, назы четпээннерни тудар тускай чер, истелге изолятору, эдип-чазаар колония, психиатрия диспансери) хамаатыларның эргелерин кайы хире сагып турарын, хажыдыышкыннарның бар-чогун хынаар. Хоругдал черлеринде хамаатыларның хомудал киирген чагаалары-биле ажылдап, хажыдыышкыннарның шынга дүгжүр-дүүшпезин хынап көргеш, ооң түңнелиниң дугайында Россияның азы регионнуң Кижилерниң эргелерин камгалаар бүрүн эргелиг төлээзинче дыңнатпышаан, дилеглерни киирер. Шииттирген кижиниң бир чурумдан өске чурумче шилчидеринге хамаарыштыр эдип-чазаар колонияларның ажылынга киржип болур. Комиссия бодунуң кылган ажылынга хамаарыштыр чон мурнунга отчёдун бээр. Комиссияның ажылдаар хуусаа- зы – 3 чыл. https://vk.com/wall-201111625_61646