| СОНУУРГАКТАРГА |
| СОНУУРГАКТАРГА | 💥Үш санга чагырткан чүүлдер 📢Кижиде үш ак: өзерге – дижи ак, кырыырга – бажы ак, өлүр- ге – сөөгү ак; Кижиниң үш байы: башкы байы — мал-маганы, ортаа байы — эртем-билии, улуг байы — ажы-төлү; Кижиниң үш бачыды: улуг уйгу, улуг чалгаа, улуг хырын; Амыдыралда үш быжыг: аалчыларны хүндүлээр ёзулал быжыг, чүү-хөө чыпшырар хырба быжыг, оожургалда сагыш-сеткил быжыг; Амыдыралда үш дошкун: эрин хоскан кадай кончуг, эриин ашкан хем кончуг, эзерин алыскан аът кончуг; Амыдыралда үш хилинчек: арагачы ашактыг херээжен хилинчектиг, харам чоруктуң сөөлү хилинчектиг, бак сагыштыг кижиниң кыраан назыны хилинчектиг; Амыдыралда үш согур: караан чидирген кижи согур, эртеми чок кижи согур, буяны чок кижи согур; Амыдыралда үш мелегей: анаа мелегей аъдын мактаар, тулган мелегей бодун мактаар, ёзулуг мелегей ашаан азы кадайын мактаар; Өртемчейде үш дудуу: дээрниң баганазы чок, сугнуң бышкызы чок, дагның куржаа чок; Өртемчейде үш бак: бак ыт — аал чуду, бак эзер — аът чуду, бак кадай — аал чуду; Өртемчейде үш дүрген: чырык, карак, бодал; Өртемчейде үш кара: пар ыяштың хөөзү кара, бай кижиниң коданы кара, бак кижиниң сагыжы кара. “Шын” №9 2026 чылдың март 12