Март байырлалының дугайында ...
Март байырлалының дугайында ... 1. Португалияда херээженнер Март 8 байырлалын эштери-биле “девичниктеп” эрттирер. Ынаар эр улус кирип болбас. 2. Март 8-те бүгү херээженнерге байыр чедирер. Февраль 23 дээрге эр-даа, херээжен-даа шериг албанныг Ада-чурттуң камгалакчыларының байырлалы. Чогум-на Бүгү делегейниң эр улус байырлалын ноябрь 19-та демдеглеп эрттирип турар. 3. Японияда херээжен кижилерниң байырлалдары бүдүн март айның дургузунда болур. Оларның аразында чүгле Март 8 эвес, а Ойнаар-кыстар, Персиктерниң чечектелири, Кыс уруглар хүнү база кирип турар. 4. Индияда Херээженнер хүнүн октябрьда 10 хонук дургузунда демдеглээр. Март 8-те будуктар-биле чашкылажыр Холи байырлалы бар. Ол чаа чылдың эгелээнин демдеглээр 3 хонуктуң байырлалы. 5. Март 8-те төрүттүнген эр кижилер хөй, а херээжен улус эвээш болуп турар. 6. Эр улустуң 55 хуузу чечектер бериксээр, а херээжен улустуң чүгле 43 хуузу чечек алыксаар. Ювелирлиг каасталгаларны эр улустуң чүгле 8 хуузу белек кылдыр бээр күзелдиг, а ону алыр күзелдиг кыс улустуң саны 15 хуу. “Шын” №8 2026 чылдың март 5