💥Улуг назылыгларны хаара туткан
💥Улуг назылыгларны хаара туткан 📢Социал фондунуң клиент албан черлери бүгү чуртта улуг назылыгларга социал төптерни ажылдадып турар. Тывада 13 ындыг төптер бар, олар 2026 чылда 1355 хемчегни эрттирип, 10 муң хире улуг назылыг кижилерни хаара туткан. «Өг-бүле» национал төлевилелди деткээн төптер идепкейжи узун назынга эптиг байдалдарны тургузарынче угланган. Социал фондунуң Тыва Республикада салбырында улуг назылыглар төптеринде кижи бүрүзү сонуургаар чүүлдеринге: волонтёрлаашкын, мастер-класстар, фитнес кичээлдеринге киржип, саң-хөө билиглериниң болгаш интернетке айыыл чок чорук лекцияларын дыңнап, англи дылды өөренип, шыдыраага ойнап, хор коллективинге киржип болур. Төптүң киржикчилери планныг эмчи шинчилгезин шупту эрттирип турарлар. Төптүң кураторларының чалааны-биле банк ажылдакчылары пенсионерлерге бодунуң акша-хөреңгизин контрольдаарынга өөредилгени эрттирип турар. Оон аңгыда бюджедин планнаарынга болгаш интернетте айыыл чок чорук хемчеглерин сагыырынга өөредилгелер бар. Харылзаа төвү база хамааты идепкейжи чоруктуң төвү. Мында улуг назылыглар амыдыралчы арга-дуржулгазын, патриотчу чоруун, хей-аъдын тускай шериг операциязында шериг албанныгларны деткээн боттуг ажыл-херектерже угландырган. Бо чылын төптүң идепкейжилери 180 ажыг камуфляж четкилерин, 300 ажыг аргаан уктарны, балаклавтарны болгаш чылыг курларны белеткээш чоруткан. Эки турачы пенсионерлер «Шупту чүвени Тиилелге дээш!» регионалдыг шуулганга киришкен. Республиканың хөй-ниитиниң кадык камгалал төвүнүң төлээлери Кызылдың социал харылзаа төвүнге кадык чемненилге, кадык уйгу, идепкейлиг дыштанылга болгаш сагыш-сеткил кадыкшылын кадагалаарының темаларынга сайгарылганы кылган. “Шын” № 39 2026 чылдың октябрь 8