| ТУРГУЗУКЧУ КҮШ-АЖЫЛДЫӉ БОЛГАШ ӨГ-БҮЛЕ ЫДЫКТАРЫНЫӉ ЧЫЛЫНГА |
| ТУРГУЗУКЧУ КҮШ-АЖЫЛДЫӉ БОЛГАШ ӨГ-БҮЛЕ ЫДЫКТАРЫНЫӉ ЧЫЛЫНГА | 💥«Хин хавы» фестиваль 📢Таӊды кожуунга хин хавынга тураскааткан фестиваль болуп эрткен. Дүрген суму чагыргазы биле сумунуӊ Херээженнер чөвүлели демнешкеш, хин хавы даараарынга тураскааткан улуг хемчээлдиг фестиваль-байырлалды организастаан. Таӊды кожууннуӊ Дүрген-Ооруу деп кайгамчык бойдустуг, онзагай чараш шуралгактыг черге республика чергелиг хемчег эрткен. Россияда чарлаттынган Россияның чоннарыныӊ чаӊгыс деминиӊ чылынга база Тывада чарлаттынган Тургузукчу күш-ажылдыӊ болгаш өг-бүле ыдыктарыныӊ чылынга тураскааткан бо хемчегге кожууннуң суму бүрүзүнден хөй ажы-төлдүг өг-бүлелер киришкен. «Хин хавы» фестиваль анаа-ла мөөрей эвес, а республика чергелиг улуг байырлал. Байырлалдыӊ мөөрейлиг кезээ делгелге-биле эгелээн. Ону бедик деӊнелдиг шииткекчилер-биле кады келген аалчы бүрүзү сонуургап көрген. Киржикчилерниӊ делгелгезинде чүнү чок дээрил! Аргаан, даараан идик-хеп, чадыг-хевистер, эттээн алгы-кеш, сүттен, далган-тараадан, эъттен кылган аъш-чем дээш карак даалыктаар! https://vk.ru/wall-201111625_71268