🙏Бистиң эргим ынак киживис — ондарларның ожук дажы болган оолдарының ортуну, чаңгыс кы...
🙏Бистиң эргим ынак киживис — ондарларның ожук дажы болган оолдарының ортуну, чаңгыс кыс дуңмазының чоргаарланыр акызы, ынак эжиниң бүзүрелдиг, быжыг чөленгиижи, чаңгыс уруунуң эргеленип ханмас ачазы, хөй санныг дөргүл-төрелиниң ооргаланыр кижизи, чараш малын алаак долдур, кажаа сыңмас кылдыр өстүрүп чоруур эрес-кежээ киживис ОНДАР АЯН ДУҢГАР-ООЛОВИЧ 53 харлап чорааш хенертен чырык өртемчейден, эргим кижилеринден чарлып чорутканын ханы кажыыдал-биле дыңнадып тур бис. Аян Дуңгар-ооловичини эш-өөрү, чаңгыс чер чурттуглары, катааттары, кат-иелери, бажалары, чуржааттары кончуг эрес-кежээ, шевер, экииргек, дузааргак, делегей көрүүшкүнү делгем, кругозору бедик, хөглүг-баштак деп үнелеп чоруур. Хөндергей суурда ооң алдын холдары дегбээн чаа тудуг-даа чок. Суму, кожуун чергелиг байырлалдарга үргүлчү деткикчилеп, акша-көпееэн, малын харам чокка өргүп чораан меценат дээрзин кожуун, сумунуң баштаар черлери эки билир болгаш өөрүп четтиргенин үргүлчү илередип чоруур. Аныяанда спорт-биле өңнүктежип, школаның чыынды командазынга волейбол, футбол, баскетболду ойнап чораанын хоочун спортсменнер чылыы-биле сактып артар. Үе-чергезиниң аразында ховар оолдарның бирээзи Аян Ондарны сөөлгү оруунче октябрь 24-те, субботада, 9.40 - 11.40 шак аразында Хөндергей суурда Бүрзекей кудумчузу, 29 кв.1 бажыңындан үдээрин ырак-чоокта дөргүл-төреливиске дыңнаттывыс. Өөнүң ишти Бичена Лодаевна 89527523422 Акызы Аяс Дуңгар-оолович 89527528721