💥Тыва дыл – чоннуң өнчүзү
💥Тыва дыл – чоннуң өнчүзү 📢Октябрь 30-ниң хүнүнде Улусчу чогаадылга бажыңынга Тыва дыл хүнүнге тураскааткан “Тыва дыл – чоннуң өнчүзү” деп шуулган болуп эрткен. Бистиң республикавыска чылдың-на ноябрь 1-ниң хүнүнде Тыва дыл хүнүн байырлап эрттирери чаңчыл апарганын билир бис. Бо удаа байырлалдың улуг хемчеглериниң бирээзин филология эртемнериниң доктору, профессор Шулуу Чыргал-оолович Саттың 100 харлаанынга тураскаадып эрттирген. Ук хемчег "Тыва дыл — номнарда" деп делгелге-биле эгелээн. Ону Тываның гуманитарлыг шинчилелдер институду, ТР-ниң Национал музейи, Тываның күрүне университеди база Тываның ном үндүрер чери организастап эрттирген. Тыва дыл хүнүнге тураскааткан хемчегни ТР-ниң алдарлыг артизи, Улустуң хөөмейжизи, Улустуң артизи Андрей Монгуш игил-биле үдевишаан ажыткан. Ооң соонда ТР-ниң Чазааның Даргазының оралакчызының хүлээлгезин күүседип турар, ТР-ниң өөредилге сайыды Алексей Сазан-оол Тыва дыл хүнү-биле чыылганнарга байырын чедирип, 2024 чылдан 2033 чылга чедир Тыва дылды хөгжүдер күрүне деткимчезиниң стратегтиг программазының амгы үеде боттанылгазының дугайында түңнеп чугаалааш, чедиишкиннер бар-даа болза, ам-даа кылыр ужурлуг ажылдар хөй дээрзин сагындырган. “Бистиң кол сорулгавыс – өзүп олурар салгалдарывыска, аныяктарывыска кайгамчык чараш, байлак тыва дылывысты кадагалап арттыргаш, дамчыдып бээри. Бистиң шылгараңгай эртемденнеривистиң, чогаалчыларывыстың алдындан аар үнелиг ажылдары амдыгаа чедир шыгжаттынып чыдар. Ол кончуг чугула. Чүге дээрге бис ол өнчүвүстү салгалдарга дамчыдар болгай бис. 📢ТӨРЭЭН ДЫЛДЫ САЛГАЛДАРГА ДАМЧЫДАРЫ-БИЛЕ https://vk.ru/wall-201111625_71956. Чыжыргана СААЯ. Буян ООРЖАКТЫҢ, Ш. МОНГУШТУҢ тырттырган чуруктары “Шын” №43 2026 чылдың ноябрь 5
Канал в каталоге Максиметера
2 365 подписчиков · Политика