Кытай эбээнин ити курдук билсистибит. Онон кыраныыссаны туоруур буоллум. 😀 Хэйхэҕэ этэ...
Кытай эбээнин ити курдук билсистибит. Онон кыраныыссаны туоруур буоллум. 😀 Хэйхэҕэ этэҥҥэ туораан баран помогайкабыт Света экскурсияҕа илдьэбин. Барытын биирдэ кэрийэбит диир. Биһиги сөбүлэһэргэ эрэ тиийэбит. Бары биир уһун массыынаҕа 5 буолан тиэллэн бардыбыт. Ол тиийэн Русская деревня диэн сирдэригэр олохтоох эбээннэр уонна орочоннар олохторун ьулан үөрүү-көтүү. Тиийээт да тута көрдөхпүтүнэ кытыыга ураһалар көстөллөр. Биһиги дьон сылдьар суолуттан ураты массыына суолунан туһаайыы тутан баран бара турдубут. Балачча хаампыт кэннэ кэллэ эбээт. Манна олохтоох эбээннэр уонна орочоннор олохторун көрдөрөр музей курдук аҕыйах экспозициялаах үлэлиир эбит. Дьиктитэ диэн, киирээт, аймахтарбытыгар кэлбит курдук сананныбыт. Бу үйэлэргэ олорбут олохторун укулаатын ыһан көспөккө биир сиргэ олорпуттар быһыылаах диэн санаа охсуллар. Хайдах эрэ аҕыйах ахсааннаах норуот бу кыйма кытайдарга баһыйтарбакка син туспа омук быһыытынан хаалбыттан үөрэ санаатым.