Айантан араас быһылааннар. Баран иһэн поездка киэһэ утуйуу саҕаланна. Арай мин таҥас ул...
Айантан араас быһылааннар. Баран иһэн поездка киэһэ утуйуу саҕаланна. Арай мин таҥас уларыттаары уонна суунар малларбын ылаары чемодаммын арыйа сатыыбын туох иһин аһыллыбат. Эбиитин уоту түүҥҥүгэ холбоотулар. Чэ, сарсыарда сырдыкка диэн оннук сууммакка утуйдум. Эбиитин поездка сүрэҕим эриллэн нэһиилэ сылдьабын. Сарсыарда 🕕этэҥҥэ буолла, билэр парольбун барытын талан туруордум. Барыта биир номер 🆔этэ диибин. Ыксаан соседка Эдьигээнтэн сылдьар нуучча кыыһын көмөлөһүннэрдибит да кыайбатыбыт. Проводник дьахтар китайдар бааллар, Бакалдынҥа баран иһэллэр диир. Туалекка 🚻ааһаллар да наадыйбаппыт. Ол олордохпутуна туалекка уочарат буолла. Биир дядя үөрэ үөрэ биһиги боковой ороммутугар олорор. Дорооболоһор тугу эрэ кэпсэтэ сатыыр. Фатима кыыска хараҕа хатанна. Онно мин тута Кытай эбээнэ бу сылдьар эбит дии санаан баран "чемодан" дии-дии үтүрүйэн киниэхэ чемодаммын🧳 үттүм. Фатима илиитинэн-атаҕынан көмөлөһүннэрэн тылбаастаата. Көрүөх бэтэрээ өттүгэр чемоданым 🧳 аһылынна. Итэҕэйбэккэ иккистээн көрдөр диибит. Син-биир арыйда. Үөрүүбүтүттэн ытыс тыаһынан доҕуһуоллаатыбыт. 👏👏👏