Ил Түмэн депутатыгар "Биир ньыгыл Россия" партиятыттан кандидат Николай Долгунов Далыр ...
Ил Түмэн депутатыгар "Биир ньыгыл Россия" партиятыттан кандидат Николай Долгунов Далыр нэһилиэгин олохтоохторун кытта көрсүһэн, дириҥ ис хоһоонноох аһаҕас кэпсэтиини ыытта. Николай Николаевич бэйэтин быыбар иннинээҕи бырагыраамматын, тус олоҕун туһунан кэпсээн, олохтоохтор санааларын истэн истиӈ көрсүһүүнү ыытта. Далыр нэһилиэгин олохтоохторо кандидат бырагыраамматын сэргии иһиттилэр уонна үлэтин былаанын үрдүктүк сыаналаатылар. Көрсүһүүгэ маннык сүрүн хайысхаларга эбии этиилэр, санаалар, сүбэлэр киирдилэр: • Тыа хаһаайыстыбатын сайыннарыы; • Үөрэҕирии ситимин тупсарыы; • Эдэр көлүөнэни сөпкө иитии; • Тыа дьонун урбаанньыттааһыҥҥа үөрэтии. Олохтоохтор ордук чорботон "тыа сирин саҥа көстүүтэ" диэн хайысханы сэргии иһиттилэр. Кинилэр тыа сирин атыннык, аныгылыы толкуйунан уларытан, эдэр ыччаты тардар курдук фундаментальнай үлэни ыытан, тыа сирин сөргүтүүгэ элбэх этиилэрин киллэрдилэр. "90-с сыллар кэннэ, колхозтар, совхозтар эстэннэр тыа сирин нэһилиэнньэтэ сылтан сыл аҕыйаан, дьон үксүлэрэ куоракка көһөр буолбуттара. Билигин тыа сирэ инникитин дьарыктаах буоларын ситиһиэхтээхпит. Маныаха дириҥник бу кыһалҕаны үөрэтэн, наука өттүнэн көрөн тыа сирин олоҕун-дьаһаҕын уларытарга сөптөөх, табыгастаах хардыылары оӈоруохтаахпыт," – диэн Николай Долгунов бэйэтин санаатын этиннэ. Түмүккэ, Николай Николаевич мындыр толкуйдаах, элбэх кэрэхсэбиллээх этиилээх Далыр нэһилиэгин олохтоохторугар махтанна уонна балаҕан ыйын 18, 19, 20 күннэригэр ыытыллар быыбарга көхтөөх кыттыыны ыларга ыӈырда. #НиколайДолгунов #Далыр #ЕдинаяРоссия max.ru/channel_VNikolaev