Николай Долгунову кытта Мэйик нэһилиэгэр эдэр фермер Потапов Александр Николаевич тэрил...
Николай Долгунову кытта Мэйик нэһилиэгэр эдэр фермер Потапов Александр Николаевич тэриллиилээх хаһаайыстыбатыгар тутулла турар кыра кыамталаах хотону көрдүбүт. Мэйик эдэр кэскиллээх фермера Александр Потапов хотонун тутуутун түмүктээн эрэр. Николай Долгунов Александр Потаповы кытта билсэн, саӈа тутулла турар хотону көрдө уонна үлэ хаамыытын билистэ. Александр Потапов былырыын агростартапка кыайан хаһаайыстыбатын кэҥэтэргэ эбии көмө ылбыта. Агростартап көмөтүнэн ыанар ынах төбөтүн ахсаанын элбэппитэ уонна тыа хаһаайыстыбатыгар үлэлиир техникалары ылыммыта. Тыа хаһаайыстыбатын сайыннарыыга улууска бэриллибит боломуочуйаларын туһаныы чэрчитинэн, «Кыра кыамталаах хотону тутуу уонна модернизациялааһын» бырагыраамма быйыл иккис сылын үлэлиир. Былырыын Сургуулукка, Намӈа, Үөһээ Бүлүүгэ хаһаайыстыбалар хотон туттубуттара, саӈардыллыбыттара. Быйыл бу бырагыраамма көмөтүнэн Мэйик нэһилиэгиттэн тэриллиилээх хаһаайыстыба салайааччыта Потапов Александр Николаевич уонна Тамалакаан нэһилиэгиттэн фермер Руфов Алгыс Антонович 50 төбөҕө хотон тутуутугар отбору ааһан кыайыылаах буоллулар. Мэйиккэ 8 687 500 солкуобай, Тамалакааҥҥа 8 031 250 солкуобай көрүллүбүтэ. Быйылгы кыстыкка улууспутугар икки хаһаайыстыба саӈа хотоӈӈо киирэрэ биһиэхэ үрдүк үөрүү буолар. Фермердарга ситиһиини, табыгастаах үлэни баҕарабыт. #СельскоеХозяйство #ҮөһээБүлүү #ТыаХаһаайыстыбата #НиколайДолгунов #Мэйик max.ru/channel_VNikolaev