Николай Долгунов Мэйик нэһилиэгин олохтоохторун кытта көрүстэ.
Николай Долгунов Мэйик нэһилиэгин олохтоохторун кытта көрүстэ. Көрсүһүү кэмигэр нэһилиэнньэттэн грааннарга кыттыы, оскуола тутуута, баһаарынай сулууспаны арыйыы, нэһилиэк иһигэр уулуссалары уоттааһын, кэлии исписэлиистэргэ анаммыт уопсай дьиэни оҥоруу курдук Мэйик олохтоохторун долгутар элбэх ыйытыылары уонна этиилэри киирдилэр. Мэйик нэһилиэгэр уулусса уотун киллэриигэ "Олохтоох нэһилиэнньэ көҕүлээһинин өйүүр барылга" (ППМИ) сайаапка ыытан кыттыбыттарын, ол эрээри сатаан кыайбатахтарын олохтоохтор этиннилэр. Маныаха мин улууспут дьаһалтатыгар экэниэмикэ отделыгар анал ППМИ барылыгар үлэлэһэр исписэлиистэр көмөнү оҥороллорун иһитиннэрдим. "Олохтоох нэһилиэнньэ көҕүлээһинин өйөөһүн барылын" көмөтүнэн бу бырайыагы олоххо киллэрэргэ бары күүспүтүн ууран үлэлэһиэхпит. Сайаапканы Мэйик дьаһалтатыттан күүтэбит. Баһаарынай сулууспа арыллыытыгар нэһилиэккэ толору баһаарынай тэрилинэн, техникэнэн хааччыллыбыт эбийиэк баар буолара ирдэнэр. 2024 сылга 6 баһаарынай сулууспа улууспут нэһилиэктэригэр арыллыбыта, барыта улууска 9 баһаарынай сулууспа үлэлиир. Баһаарынай деполар олохтоох нэһилиэнньэ түмсүүлээх үлэтинэн арыллыбыттара. Бу нэһилиэктэр үлэлэрин холобурданан, уопут атастаһан Мэйиккэ толору хааччыллыылаах баһаарынай депо баар буолла да, үлэ миэстэтин таһаарар саҥа баһаарынай сулууспа арыллар кыахтаныаҕа. Билигин баһаарынай сулууспа суох буолан, ыксаллаах кэмҥэ Далыртан баһаарынай массыына сылдьара улахан кыһалҕа. Түмүккэ, Николай Николаевич түмсүүлээх Мэйик нэһилиэгин олохтоохторугар махтанна, түмсүүлээх, иллээх буолуоххайыӈ диэн ыӈырда уонна тыа сирэ инникилээх, кэскиллээх буоларыгар бары күүһү ууран үлэлииргэ бэлэмин биллэрдэ. Мэйик нэһилиэгин тэрилтэлэрин салайааччылара Николай Долгуновка быыбарга кыайыыны-хотууну баҕаран туран бэйэлэрин сэмэй бэлэхтэрин туттардылар. Мэйик нэһилиэгин олохтоохторугар иһирэх кэпсэтиигит, истиҥ көрсүһүүгүт иһин улахан махтал! Салгыы Далыр нэһилиэгэр айаҥҥа туруннубут. #БиһигиКүүспүтТүмсүүгэ #Мэйик #ЕдинаяРоссия #НиколайДолгунов max.ru/channel_VNikolaev