Кэнтик нэһилиэгин олохтоохторун кытта көрүстүм. Кэнтик нэһилиэгэ быыбардарга өрүү саама...
Кэнтик нэһилиэгин олохтоохторун кытта көрүстүм. Кэнтик нэһилиэгэ быыбардарга өрүү саамай үрдүк көрдөрүүлээх, улууспут биир түмсүүлээх нэһилиэгэ. "Биир ньыгыл Россия" партияны элбэх быыбардарга нэһилиэк олохтоохторо биир түмсүүнэн талан куоластыыра, нэһилиэк сайдыытыгар олук уурбута. Ол курдук, элбэх федеральнай таһымнаах бырагырааммаларга киирсэргэ, Москва таһымыгар туруорсарга Кэнтиктэр түмсүүлэрэ көмө, бигэ тирэх буолбута. Федеральнай "Комфортная городская среда", "Комплексное развитие сельских территорий", "Программа поддержки местных инициатив", өрөспүүбүлүкэтээҕи "Мин Сахам Сирэ – 21 үйэ" бырагырааммалар көмөлөрүнэн үбүлээһин көрүллэн улахан үлэ ыытыллыбыта. Кэнтик билиҥҥитэ – нэһилиэк олохтоохторун сомоҕо түмсүүтэ. Бүгүҥҥү көрсүһүүгэ нэһилиэк олохтоохторуттан биир да туруорсуу, ыйытыы киирбэтэ, ол эрээри элбэх өйөбүл тыл иһилиннэ. Ол курдук, Кэнтик орто оскуолатын директора Владислав Семенов: "Быыбарга партияны утарар куолас биэрэрбит биһиэхэ туох да үчүгэй уларыйыыны аҕалбат. Төптөрүтүн биһиги салайааччыларбытын, улууспут баһылыгын, Ил Дархаммытын, өйөөммүт, кинилэр инники үлэлэригэр күүстээх тирэх буолан түмсүөхтээхпит уонна үрдүк, чаҕылхай көрдөрүүлээх быыбары ыытыахтаапыт" , - диэн бигэ санаатын этиннэ . Түмүккэ Кэнтик олохтоохторо быыбарга биир санааннан көхтөөх кыттыыны ыларга бэлэмнэрин уонна "Биир ньыгыл Россия" партияны өйүүллэрин биллэрдилэр. Бу курдук сомоҕолоһуу – биһиги улууспут инники сайдыытыгар саамай күүстээх тирэх буолар. #ЕдинаяРоссия #ЕР14 max.ru/channel_VNikolaev