Бүгүн улууспут духуобунай киинин, билии-көрүү холбуйатын, Үөһээ Бүлүү улууһун киин библ...
Бүгүн улууспут духуобунай киинин, билии-көрүү холбуйатын, Үөһээ Бүлүү улууһун киин библиотекатын үлэһиттэрин кытта көрүстүм. Библиотека – кинигэлэри эрэ харайар сир буолбатах, кини олохтоохторго билиини-көрүүнү тарҕатар, култуурабытын байытар, кэпсэтиигэ уонна сайдыыга сүрүн оруолу оонньуур киин буолар. Көрсүһүүгэ күннээҕи үлэлэрин, олоххо киллэрэр бырайыактарын уонна кэлэр былааннарын туһунан сэһэргэстибит. Библиотека үлэһиттэригэр эдэр көлүөнэни ааҕарга уһуйууга, сахабыт тылын уонна култууратын сайыннарыыга күннэтэ киллэрэр кылааттарыгар махтанан туран бу буолаары тура быыбарга көхтөөх кыьтыыны ылалларыгар ыӈырдым. Аныгы үйэҕэ цифровой технологиялар сайдалларын быыһыгар кинигэ суолтата харыстанан хааларыгар библиотека үлэһиттэрин кылаата олус улахан. Биһиги улууспут култууратын сайдыытыгар библиотека үлэһиттэрин үлэтэ сүрүн миэстэни ыларын өйдөөн туран, кинилэр инникитин даҕаны улууспут дьонун-сэргэтин туһугар билиини-көрүүнү тарҕатарга дьулуһалларыгар баҕарабын. Олохтоохтор библиотекаҕа өссө күүскэ сылдьыӈ, кинигэ ааҕыӈ, араас тэрээһиннэргэ кыттыӈ диэн ыӈырабын. #Библиотека #ҮөһээБүлүү max.ru/channel_VNikolaev