Саха Өрөспүүбүлүкэтин Ил Түмэнин депутатыгар "Биир ньыгыл Россия" партияттан кандидат Н...
Саха Өрөспүүбүлүкэтин Ил Түмэнин депутатыгар "Биир ньыгыл Россия" партияттан кандидат Николай Долгунов Үөһээ Бүлүү улууһун эдэр ыччатын кытта көрүстэ. Көрсүһүүгэ Николай Николаевич эдэр көлүөнэ дойду инники кэскилэ буоларын бэлиэтээтэ. "Эһиги – биһиги улууспут, өрөспүүбүлүкэбит кэлэр кэскилэҕит, үүнэр-сайдар күүһэҕит. Эһиги төрөөбүт дойдугут сайдарын туһугар киллэрэр кылааткыт, дойдугутугар эргиллэн кэлэн үлэлии-хамсыы сылдьаргыт тыа сирэ сүппэтин, кэхтибэтин туоһулуур. Өссө да үүнэ-сайда туруӈ, дойдугутун саӈа таһымӈа таһаарар дьон буолуӈ", – диэн эдэр ыччакка ыҥырыыны оҥордо. Кандидат бэйэтин быыбар иннинээҕи бырагыраамматын сырдатта уонна үөрэхтээһин, идэ талыыта, үлэҕэ киирии тула бэйэтин санаатын үллэһиннэ. Николай Николаевич эдэр ыччат улуус сайдыытыгар тус кылаатын киллэрэрин уонна инникитин да эдэр ыччаттан тахсар көҕүлээһиннэри өйүөххэ наадатын бэлиэтээтэ. "Биир ньыгыл Россия" партия "Норуоту харыстааһын, дьоллоох дьиэ кэргэн", "Үтүө үлэ", "Регионнары сайыннарыы" диэн хайысхалара эдэр ыччат олоҕун тупсарыыга, кинилэр дьиэ кэргэттэрин өйөөһүҥҥэ, табыгастаах үлэ миэстэлэрин тэрийиигэ уонна төрөөбүт улуустарын сайыннарыыга туһуланалларын быһаарда. #ЭдэрЫччат #Молодежь #ЕдинаяРоссия #ЕР14 #НиколайДолгунов max.ru/channel_VNikolaev