Ил Түмэҥҥэ "Биир ньыгыл Россия" партияттан кандидат Николай Долгунов "Үөһээ Бүлүү улууһ...
Ил Түмэҥҥэ "Биир ньыгыл Россия" партияттан кандидат Николай Долгунов "Үөһээ Бүлүү улууһа" муниципальнай оройуон, "Үөһээ Бүлүү сэлиэнньэтэ" муниципальнай тэриллии, "Үөдүгэй нэһилиэгэ" муниципальнай тэриллии дьаһалталарын коллективтарын кытта көрүстэ. Көрсүһүүгэ Николай Николаевич муниципальнай сулууспалаахтар олохтоох бэйэни салайыныы сайдыытыгар сүҥкэн кылааты киллэрэр, тыа сирин олохтоохторун кыһалҕаларын миэстэтигэр быһаарар, норуокка саамай чугас, бэриниилээх үлэһит дьон буолалларын бэлиэтээн эттэ. Маныаха кини "Биир ньыгыл Россия" партия саҥа норуот бырагырааммата оӈоһуллубутун иһитиннэрдэ. Бу бырагыраамма бүтүн дойду олохтоохторуттан этиилэри хомуйан оҥоһуллубут буолан, 7 сүрүн хайысханан үлэлиэҕэ: 1) Норуоту харыстааһын, дьоллоох дьиэ кэргэн 2) Үтүө үлэ 3) Регионнары сайыннарыы, олоххо анаммыт саҥа эйгэни оҥоруу, транспорт инфраструктурата 4) Күүстээх экономика 5) Дьоҥҥо анаммыт аныгы технологиялар 6) Дойду сыаннастара 7) Биһиги Кыайыыбыт "Бу хайысхаларынан анал тустаах федеральнай бырагырааммалар үлэлиэхтэрэ, маныаха биһиги улууспут хаалсыбакка тастан кэлэр үбү улууска тардан, үлэлээн, сайдыы суолун талар кэммит кэллэ", – диэн Николай Николаевич этиннэ. Көрсүһүүгэ кэлбит дьон Николай Николаевич өр сылларга үп-харчы эргийэр эйгэтигэр, баан систиэмэтигэр үлэлээбит киһи быһыытынан, үп хайдах хамсыырын дириҥник өйдүүрүн, туспа көрүүлээҕин уонна элбэх саҥа идеялардааҕын бэлиэтээтилэр. Николай Николаевич инники үлэтин былааннара көннөрү улахан этии эрэ буолбакка, хас биирдии хардыыта суоттаммыт, тобулу толкуйдаммыт хардыылардаах, олоххо киирэр кыахтаах, элбэх уларыйыыны киллэрэргэ анаммыт былааннардаах. Көрсүһүү түмүгэр Николай Николаевич муниципальнай сулууспалаахтары төрөөбүт дойдуга бэриниилээх, сыралаах үлэлэрин иһин махтанна уонна балаҕан ыйын 18-20 күннэригэр ыытыллар быыбарга көхтөөх кыттыыны ыларга ыӈырда. #ЕдинаяРоссия #ЕР14 #НиколайДолгунов #БиһигиКүүспүтТүмсүүгэ max.ru/channel_VNikolaev