"Биир ньыгыл Россия" партияттан Ил Түмэҥҥэ депутатка кандидат Николай Долгунов Үөһээ Бү...
"Биир ньыгыл Россия" партияттан Ил Түмэҥҥэ депутатка кандидат Николай Долгунов Үөһээ Бүлүү култууратын үлэһиттэрин кытта көрсөн, быыбар иннинээҕи бырагыраамматын сырдатта уонна инники үлэтин былаанын кэпсээтэ. Көрсүһүүгэ Николай Николаевич үөрэхтээһин эйгэтин сайыннарыыттан саҕалаан тыа хаһаайыстыбатын таһымын үрдэтиигэ тиийэ киэҥ хабааннаах былаанын үллэһиннэ. Николай Николаевич, бэйэтин оҕо сааһыттан банк эйгэтигэр үлэлиир баҕатын батыһан олоҕор элбэҕи ситиспит, ыра санаатын олоххо киллэрбит киһи быһыытынан, оҕо инники олоҕун суола табыгастаах буоларыгар оскуола тирэх буоларын бэлиэтээн эттэ. Саха Өрөспүүбүлүкэтин бастакы Президиэнэ Михаил Ефимович Николаев өйөбүлүнэн Үөһээ Бүлүүтээҕи физмат гимназия саҥа дьиэтэ тутуллан киирэн, Үөһээ Бүлүүттэн элбэх үөрэхтээх, ситиһиилээх көлүөнэ тахсарыгар олук уурбута. 7-с, 8-с кылаастан саҕалаан биһиги саҕана үөрэммит көлүөнэ улааттахпытына туох үлэһит буолуохпутун баҕарарбытын чопчу талан, үөрэхпитигэр кыһаллан үөрэммиппит. Уонна оскуолабытын бүтэрэн баран Россия киин үрдүк үөрэхтэригэр туттарсан киирбиппит. Мин 7-с кылаастан талбыт идэбэр финансовай үөрэххэ киирэн, олоҕум тухары банк эйгэтигэр үлэлиибин. Москва бааннарыгар 19 сыл үлэлээн баран, дойдубар Саха Сиригэр эргиллэн кэлэн үлэлии сылдьабын. Үөһээ Бүлүүтээҕи гимназия ииппит-үөрэппит ньымата, баар кыһалҕаттан тиэрэ эргийбэккэ, биһиги иннибитигэр турар соругу суоттаан, учуоттаан толоруу, үрдүк да үөрэххэ үөрэнэр кэммэр, кэлин үлэбэр даҕаны олус туһалаабыта" , – диэн Долгунов оскуола оҕо дьылҕатыгар содулун туһунан санаатын үллэһиннэ. Кини этэринэн, оскуолаттан саҕаланар улууспут кэскилэ, инникитэ. Учууталлар илиилэригэр баар – Үөһээ Бүлүү дьылҕата. Депутатка кандидат үрдүк эрэ үөрэххэ буолбакка, орто үөрэхтэргэ эмиэ болҕомто ууруллуохтааҕын бэлиэтээтэ. Кини этэринэн, үп-харчы хамсыыр эйгэтигэр, Саха Сиригэр баар бырамыысыланнаска, тутууга, бэйэ бородууксуйатын оҥорон таһаарыыга, атыыга-эргиэӈӈэ сахалар бэйэбит испэсэлиистэрбитин үүннэрэн таһаарарбыт ирдэнэр. Үөһээ Бүлүүтээҕи техникум билиҥҥи туругунан олус табыгастаахтык үлэлии турарын бэлиэтээтэ, маныаха эбии бырамыысыланнаска ирдэнэр испэсэлиистэри үөрэтэн таһаарар курдук анал бырагыраамма оҥоһуллуон наада диэн эттэ. Тыа хаһаайыстыбата билигин дойдуга ыарахан, балысханнаах кэмҥэ, бастатан туран, бэйэ оҥорон таһаарар бородууксуйатын, үүннэриитин сайыннарыыга болҕомто ууруохтааҕын Николай Николаевич тоһоҕолоото. Ыанар ынах үүтүн үрдэтэргэ ынах аһылыгын көрөн, сүөһү аһын оҥорон таһаарар комбинаттары сайыннарыыга, хортуоска, оҕуруот аһын үүннэрэн хаһаанарга анаммыт сирдэри тутарга болҕомто ууруохха наада диэн этиннэ. Маныаха саҥа специалистары иитэн таһаарыахха наада. Үөрэхтээх, билиилээх, табыгастаах буолуохха диэн этиннэ. Көрсүһүүнү түмүктээн, Николай Николаевич билиҥҥи кэмҥэ үп-харчы эргиирин бэйэбит диэки тардан, үлэни, үөрэҕи өрө тутан үүнүөххэ, сайдыахха диэн ыҥырыыны оҥордо. #ЕдинаяРоссия #ЕР14 #НиколайДолгунов max.ru/channel_VNikolaev