Николай Долгунов Үөһээ Бүлүү улууһун спорт салалтатын коллективын кытта көрүстэ.
Николай Долгунов Үөһээ Бүлүү улууһун спорт салалтатын коллективын кытта көрүстэ. Көрсүһүүгэ Николай Николаевич Үөһээ Бүлүү улууһа спортка өрөспүүбүлүкэҕэ эрэ буолбакка, бүтүн Россияҕа, Аан Дойду үрдүнэн аатаах-суоллаах спортсменнарынан биллэрин бэлиэтээтэ. Маны тэҥэ, улууска инклюзивнэй, ол эбэтэр инбэлииттэр спордара эмиэ ситиһиилээхтик сайдара ураты киэн туттуу диэн этиннэ. Николай Долгунов бэйэтин быыбар иннинээҕи бырагыраамматын сырдатан, спорт эйгэтин өйөөһүн инники кэскилбит биир сүрүн хайысхата буоларын ыйда. Спорт – эдэр ыччаппытын чөл олоххо, күүстээх санааҕа, кыайыыга уонна дьулуурга үөрэтэр, кинилэр доруобуйаларын бөҕөргөтөр сүрүн тэрил буолар диэн эттэ. Кандидат бэйэтин оҕо сааһыгар физмат гимназияҕа үөрэммит сылларын холобурдунан, спорт дьарыга эдэр киһи олоҕун суолун таба тайанарыгар, ситиһиилээх киһи буоларыгар олук уурарын бэлиэтээн эттэ. Кини этэринэн, кэлэр кэмҥэ спорту өссө күүскэ сайыннарар, саҥа спортивнай эбийиэктэри тутар, тренердэргэ өйөбүлү оҥорор уонна эдэр талааннары таһаарар үлэни күүһүрдэр наада. Көрсүһүү түмүгэр, Николай Николаевич Үөһээ Бүлүү спордун сайыннарыыга, ыччат чөл олохтонуутугар көхтөөхтүк үлэлээбитин иһин спорт салалтатын коллективыгар махтанна уонна инникитин даҕаны бииргэ үлэлэһэргэ бэлэмин биллэрдэ. #ЕдинаяРоссия #ЕР14 #НиколайДолгунов max.ru/channel_VNikolaev