⚜️⚜️⚜️⚜️⚜️⚜️⚜️
⚜️⚜️⚜️⚜️⚜️⚜️⚜️ Бүгүн атырдьах ыйын 27 күнүгэр Ил Түмэнигэр Үөһээ Бүлүү уонна Горнай улуустарыттан депутатка "Биир ньыгыл Россия" биир мандаттаах партияттан кандидат, биир дойдулаахпыт, Николай Николаевич Долгунов Үөһээ Бүлүүгэ СТНГ "Сахатранснефтегаз" үлэһиттэрин кытары көрүстэ. Кандитат Алмазэргиэнбааҥҥа Сахатранснефтегаз олус чугас тэрилтэ буоларын биллэрдэ, тэрилтэ үлэһиттэригэр бэйэтин билиһиннэрэн олоҕун суолун, үлэтин, инники былаанын кэпсээтэ, үлэһиттэри кытары сэһэргэһэн, быыбар иннинээҕи бырагыраамматын, сыалын-соругун туһунан толору сырдатта, Сахабыт сирин бюджета уонна Үөһээ Бүлүүбүт тупсарын туһугар үлэлииргэ бэлэмин көрдөрдө. Үлэһиттэр дьон-сэргэ кыһалҕаларын кытары үлэлэһэр киһи депутакка туруммутун сэҥээрэ иһиттилэр. Николай Николаевич тылын-өһүн, инники былаанын үрдүк таһымнаахтык сыаналаатылар. Киһи өйүгэр өйдөнүмтүөтүк быһаарарын астына иһиттилэр. Кандитат былаана отой чуолкай уонна толорумтуо буоларын үлэһиттэр биһирээтилэр: үөрэҕирии таһымын үрдэтии, тыа хаһаайыстыба кэҥээһинэ, инфраструктура сайдыыта, дьон-сэргэ интэриэстэрин кытары үлэлэһии. "Сахатранснефтегаз" үлэһиттэрэ бэйэлэрин долгутар ыйытыктары биэрдилэр үп-харчы, тыа хаһаайыстыбатын бородууксуйата сайдыыта, ордук овощехранилище хайаан да баар буолуохтааҕын бэлиэтээтилэр, өрүс уҥуор биэрэктэргэ гаас киллэрээһинин туһунан ыйыттылар, кырачаан оҕолорбут сайдалларын курдук сөптөөх сайыннарар дьарыктар суохтарын бэлиэтээтилэр. Өрөспүүбүлүкэбит бюджетин боппуруоһун кытары үлэлэһиэ диэн баҕа санааларын этиннилэр. Николай Николаевич Долгунов ыйытыктарга чуолкай хоруй биэрэн, хас биирдии ыйытыктарга үлэ бара турарын, хас биирдии кыһалҕа быһаарыллыахтааҕын туһунан сырдатта. СТНГ "Сахатранснефтегаз" үлэһиттэрэ олус чаҕылхай өйдөөх-санаалаах дьон буолалларын көрдөрдүлэр, бары олус интэриэстээхтик, аһаҕастык кэпсэппиттэрэ үөрдэр, кандитаты өйүүргэ бэлэмнэр. Кандитаты кытары көрсүһүүгэ кэлэн аһаҕас кэпсэтиигэ истиҥник кыттыбыт дьоҥҥо улахан махтал! Биһиги күүспүт - түмсүүгэ! #ҮөһээБүлүү #ЕдинаяРоссия #НиколайДолгунов max.ru/channel_VNikolaev