Ил Түмэҥҥэ «Биир ньыгыл Арассыыйа» баартыйаттан кандидат Николай Долгунов Балаҕаннаах н...
Ил Түмэҥҥэ «Биир ньыгыл Арассыыйа» баартыйаттан кандидат Николай Долгунов Балаҕаннаах нэһилиэгин олохтоохторун кытта көрүстэ. Балаҕаннаах нэһилиэгэ – Саха Өрөспүүбүлүкэтин үрдүнэн Николай Долгунову "Биир ньыгыл Россия" партияттан кандидаты талыы праймериһыгар 4-с үрдүк көрдөрүүнү ситиспит нэһилиэк. Балаҕаннаах нэһилиэгин олохтоохторун түмсүүтэ барыбытыгар холобур буолар. Николай Николаевич көрсүһүүнү бэйэтин билиһиннэрииттэн саҕалаата уонна быыбар иннинээҕи былааннарын, үлэтин сыалын-соругун толору сырдатта. Көрсүһүүгэ кэлбит дьон элбэх долгутар ыйытыктарын биэрдилэр. Хас биирдии кэлбит киһиэхэ бэйэтин болҕомтотун ууран сиһилии, аһаҕастык ыйытыыларга хоруйдаата. Кэпсэтии кэмигэр тыа сиригэр эдэр, үөрэхтээх үлэһиттэр кэлэн олохсуйалларын туһунан баҕа санаа ордук этилиннэ. Маныаха Николай Николаевич Балаҕаннаах нэһилиэгиттэн тахсар көҕүлээһиннэр, этиилэр бүтүн өрөспүүбүлүкэ үрдүнэн, үрдүк таһымӈа ылыллан, иһиллэн олоххо киирэллэрин уонна Балаҕаннаахтар ураты тыыннаах, киэн көрүүлээх, мындыр толкуйдаах буолалларын диэн бэлиэтээтэ. Уонна тыа сирин сайдыытыгар эдэр ыччаты тардар, эдэр фермердары өйөөһүӈӈэ саӈа механизымнары туһанар тоҕоостооҕун этиннэ. Балаҕаннаахтар Николай Николаевич инники кэскиллээх былааннарын, ураты көрүүтүн үрдүктүк сыаналаатылар. Олохтоохтор биир дойдулаахтарын дьиҥнээх мындыр, дойду интэриэһин күүскэ көмүскүүр кандидат буоларын бэлиэтээн, бу буолаары турар быыбарга киниэхэ куоластыырга бэлэмнэрин биллэрдилэр. Көрсүһүүгэ кэлэн, ис сүрэхтэн санааҕытын үллэстибит Балаҕаннаах олохтоохторугар барыгытыгар барҕа махтал! #НиколайДолгунов #ЕдинаяРоссия #ЕР14 max.ru/channel_VNikolaev