⚜️⚜️⚜️⚜️⚜️⚜️⚜️
⚜️⚜️⚜️⚜️⚜️⚜️⚜️ Саха Өрөспүүбүлүкэтин Ил Түмэнигэр Үөһээ Бүлүү уонна Горнай улууһуттан кандидат "Биир ньыгыл Россия" партияттан кандидат, биир дойдулаахпыт, Николай Николаевич Долгунов Быракаан нэһилиэгин олохтоохторун кытары көрүстэ. Быракаан нэһилиэгэ биһиги улууска саамай активнай, үлэни кыайар уонна быыбарга көхтөөхтүк кыттар ураты күүстээх нэһилиэкпит буолар. Николай Николаевич Долгунов бэйэтин билиһиннэрэн, олохтоохтору кытта аһаҕас кэпсэтиини ыытта. Кини урут истэн билэр Быракаан нэһилиэгин сиригэр-уотугар бэйэтинэн аан бастакытын кэлэн турарыттан уонна олохтоохтору кытары маннык истиҥник көрсүбүтүттэн улаханнык үөрэрин биллэрдэ. Бэйэтин быыбар иннинээҕи бырагыраамматын, сыалын-соругун туһунан сиһилии сырдатта, дойдутун туһугар үлэлииргэ бэлэмин эттэ. Үөһээ Бүлүү улууһа куруутун үрдүк үөрэхтээх, дириҥ билиилээх уонна мындыр дьоннорунан аатырарынан биллэр. Үөрэҕирии таһымын өссө үрдэтэр, тыа хаһаайыстыбатын кэҥэтэр уонна күүһүрдэр, инфраструктура өттүн күүскэ сайыннарар уонна олохтоохтор бэйэлэрин туһалаах гражданскай көҕүлээһиннэрин өйүүр сүрүн сыаллаах үлэлиэҕин сырдатта. Кини партия норуот бырагыраамматын көмөтүнэн тыа сиригэр олох таһымын тупсарыы, тутуулары ыытыы уонна кэскиллээх бырайыактары олоххо киллэрии быһаччы тутулуктааҕын уонна "Биир ньыгыл Россия" партияҕа куоластааһын улахан суолталааҕын өйдөттө. Быракаан олохтоохторо Николай Николаевич былааннарын уонна быыбар иннинээҕи бырагыраамматын олус сэргээн иһиттилэр. Кини туруоруммут сыалларын толук өйдөөн уонна биһирээн, кандидаты күүскэ өйүүргэ бэлэмнэрин биллэрдилэр, инники үлэтигэр ситиһиилэри баҕаран үтүө алгыс тылларын тиэртилэр. Көрсүһүүгэ кэлэн бэйэлэрин санааларын үллэстибит, көхтөөхтүк кыттыбыт хас биирдии киһиэхэ барҕа махтал! #ҮөһээБүлүү #ЕдинаяРоссия #НиколайДолгунов https://max.ru/channel_VNikolaev