⚜️⚜️⚜️⚜️⚜️⚜️⚜️
⚜️⚜️⚜️⚜️⚜️⚜️⚜️ Ил Түмэҥҥэ "Биир ньыгыл Россия" партия кандидата Николай Николаевич Долгунов Өргүөт нэһилиэгин олохтоохторун кытта көрүстэ. Быйыл балаҕан ыйын 18-20 күннэригэр ыытыллар быыбарга үрдүк эппиэтинэстээх кэм күүтэр. Ол курдук, Российскай Федерация Судаарыстыбаннай Думатыгар депутаттары уонна Саха Сирин Ил Түмэнигэр депутаты талыахпыт. Бу улахан быыбарга «Биир ньыгыл Россия» партияттан биир мандаттаах округтан Анал байыаннай дьайыы бэтэрээнэ, эдэр эрчимнээх, кэскиллээх кандидат Петр Шамаев уонна партия списогынан Галина Данчикова тураллар. Ил Түмэҥҥэ Үөһээ Бүлүү улууһун уонна Горнай улууһун интириэһин көмүскүүр депутат мандатыгар «Биир ньыгыл Россия» партияттан бэйэбит уолбут, "Алмазэргиэнбаан" Правлениятын председателя Николай Николаевич Долгунов турар. Бу күүстээх хамаанда биир сомоҕо буолан үлэлээтэҕинэ, улууспут интэриэһин кытта чахчы күүскэ үлэлэһиэҕэ, Николай Николаевич депутат буоллаҕына дойдубут кэскилигэр сүдү күүс буолуоҕа. Николай Николаевич олохтоохтору кытта истиҥник кэпсэтэн, бэйэтин бырагыраамматын сиһилии сырдатта. Улуус сайдыытыгар туһуламмыт 4 сүрүн сыалын олоххо киллэрэн, төрөөбүт дойдутун туһугар күүс-көмө буолуоҕун уонна күүскэ үлэлэһэрин биллэрдэ. Тыа сирин сайыннарыыны, тыа хаһаайыстыбатын экономикатын көрүнүү, үбүн сөпкө туттуу туһунан санааларын, былааннарын үллэһиннэ. Ураты болҕомтону үөрэҕирии өттүгэр ууруохтаахпытын, улууспут инникитин бюджет эрэ өттүн көрбөккө, промышленность хайысхатын эмиэ күүскэ сайыннарыахтаахпытын, кэлэр көлүөнэ ыччаттарбытын , оҕолорбутун аныгы промышленнай тэрилтэлэргэ үөрэнэ киирэллэригэр уонна онно тирэхтээхтик үлэлииллэригэр күүстээх олук уурар туһунан санаатын үллэһиннэ. Өргүөт нэһилиэгэ — Үөһээ Бүлүү улууһугар биир саамай көхтөөх, элбэх эдэр исписэлиистэрдээх, дириҥ билиилээх, үлэһит дьонноох-сэргэлээх ураты күүстээх сир буолар. Өргүөт олохтоох оскуолата эһиил 100 сыллаах улахан бэлиэ юбилейын көрсөөрү бириэмэтигэр күүскэ бэлэмнэнэ сылдьар. Өргүөт олохтоохторо кандидат былааннарын улаханнык сэҥээрэн иһиттилэр, тыа хаһаайыстыбатыгар баар кыһалҕалар тустарынан бэйэлэрин санааларын эттилэр, бэйэбит соҕотох кандидатпытын күүскэ өйүүллэрин, биир сомоҕо буолан биһиги Үөһээ Бүлүүлэр куоласпытын биэриэхтээхпит диэн эрэл тылларын эттилэр. Көрсүһүүгэ кэлэн бэйэлэрин санааларын үллэстибит хас биирдии Өргүөт олохтоохторугар махталбытын тиэрдэбит! #ҮөһээБүлүү #ЕдинаяРоссия #НиколайДолгунов https://max.ru/channel_VNikolaev