«БИИР НЬЫГЫЛ РОССИЯ» КОНФЕРЕНЦИЯТА: ДОЙДУ КЭСКИЛИН БИИРГЭ ТҮСТҮҮБҮТ
«БИИР НЬЫГЫЛ РОССИЯ» КОНФЕРЕНЦИЯТА: ДОЙДУ КЭСКИЛИН БИИРГЭ ТҮСТҮҮБҮТ Бүгүн, Үөһээ Бүлүү улууһун дэлэгээссийэтэ «Биир ньыгыл Россия» баартыйа өрөспүүбүлүкэтээҕи салаатын Конференциятын үлэтигэр кытынна. Бу – биһиги дойдубут кэскилин түстүүр улахан суолталаах политическай тэрээһин. Конференция сүрүн сыалынан – быйыл күһүн ыытыллар Российскай Федерация Государственнай Думатыгар быыбарга бэлэмнэнии үлэтин дьүүллэһии буолар. Мунньахха «Биир ньыгыл Россия» баартыйа өрөспүүбүлүкэтээҕи салаатын Секретаря, Саха Өрөспүүбүлүкэтин Ил Дархана Айсен Сергеевич Николаев тыл этэн, инники турар соруктары торумнаата, үлэ хайысхатын ыйда. Бу кэнпсириэнсийэҕэ норуот эрэбилин ситиһэн, Государственнай Думаҕа кандидатынан талыыга баартыйа иһинээҕи быыбарга (праймеризка) кыайыылаах тахсыбыт дьоммут: анал байыаннай дьайыы бэтэрээнэ, Саха Өрөспүүбүлүкэтин эдэр ыччат миниистирэ Петр Витальевич Шамаев уонна Российскай Федерация Государственнай Думатын VIII ыҥырыытын депутата Галина Иннокентьевна Данчикова биир баартыйалаахтарыгар, кинилэри өйөөбүт бар дьоҥҥо ис сүрэхтэн тахсар махтал тылларын тириэртилэр. Дойдубут Президенэ Владимир Владимирович Путин Ыйааҕынан, Государственнай Дума депутаттарын талыы быыбар балаҕан ыйын 20 күнүгэр ыытыллыаҕа. Бу – биһиги дойдубут инники сайдыытын, хас биирдиибит олоҕун таһымын быһаарар кэрдиис кэм. Биһиги сомоҕолоһуубут, түмсүүбүт – улууспут, өрөспүүбүлүкэбит уонна дойдубут сайдыытын мэктиэтэ. #ЕдинаяРоссия #ГалинаДанчикова #ПетрШамаев #ВерхневилюйскийУлус #ЕР14 Подпишитесь на мой МАХ канал