Үөһээ Бүлүү улууһун "Тыа хаһаайыстыбатын салалтатын" кытта кыстыкка киириигэ бэлэмнэнии...
Үөһээ Бүлүү улууһун "Тыа хаһаайыстыбатын салалтатын" кытта кыстыкка киириигэ бэлэмнэниигэ уонна сайыҥҥы үлэ түмүктэригэр аналлаах сүбэ мунньахтаатыбыт. Мунньахха тыа хаһаайыстыбатын эйгэтигэр быйылгы сыл ситиһиилэрэ, инники турар соруктар уонна кыһалҕалар дьүүллэһилиннилэр. Үөһээ Бүлүү улууһа тыа хаһаайыстыбатын сайыннарыыга былааннаммыт үлэни ситиһиилээхтик толорон иһэбит. Ол курдук, быйыл "Сүөһү, сылгы аһын оҥоруу" бырагыраамматытан 20 техника, 25 км күрүө, 35 тонна сиэмэ ыһааһынын былаана турбута. Бу былаан барыта толоруллан бүгүҥҥү күн туругунан: • 36 тонна сиэмэ 344 га сиргэ ыһыллыбыт, маныаха 1 мөл. 861 тыһ. солкуобай көрүлүннэ. • 26,8 км күрүө тутулунна, бу сыалга 2 мөл. 680 тыһ. солкуобай көрүлүннэ. • 30 оттуур техника, ол иһигэр икки МТЗ 1221 трактор ылылынна. Трактордары ылыыга 9 мөл. 100 тыһ. солкуобай, онтон атын 28 от оттуур техникаҕа 13 мөл. 372 тыһ. солкуобай көрүлүннэ. Сайын устата дьоһуннаах үлэ түмүгэр, быйыл 25,65 тонна от оттонно. Маны сэргэ, "Кыра кыамталаах хотоннору тутуу" бырагыраамматынан Мэйиккэ уонна Тамалакааҥҥа икки 50 төбөлөөх хотоннор тутуллан үлэҕэ киирдилэр. Бүгүӈӈү күн туругунан Үөһээ Бүлүү улууһугар 1891,83 тонна үүт тутарылынна уонна 68 тонна 300 кг арыы оӈоһулунна. Мунньахха ситиһиилэр эрэ буолбакка, кыһалҕалар эмиэ ырытылыннылар. Быйыл улууска Оҥхой, Өргүөт, Хоро уонна Быракаан нэһилиэктэригэр үүт тутар собуоттар, хомойуох иһин, үлэлээбэтилэр. Эһиилги сылга бу нэһилиэктэргэ үүт собуоттарын үлэлэтиигэ, кыһалҕаларын быһаарарга сорук туруордум. Маны тэӈэ үүт туттарыытын, ыанар ынах ахсаанын элбэтиигэ үлэлии-хамсыы сылдьар тэриллиилээх хаһаайыстыбалары өйүүргэ, ситимнээх үлэни ыытарга улуус салалтата болҕомтону уурар. Улууспут тыатын хаһаайыстыбатын салалтата "Идэһэ-2026" атыы-эргиэн дьаарбаҥкатын ыытарга бэлэмнэнэ сылдьалларын иһитиннэрдилэр. Тыа хаһаайыстыбатын бородууксуйатын атыылааһыҥҥа уонна олохтоох оҥорон таһаарыыны өйөөһүҥҥэ дьоһуннаах тэрээһин сэтинньи ый ортотугар буолара былааӈӈа турда. #СельскоеХозяйство #ТыаХаһаайыстыбата #УСХ #ҮөһээБүлүү max.ru/channel_VNikolaev