❗Марий Эл Сайлымаш комиссий Председатель Ирина Татаринова 343-шо № - ан сайлымаш участ...
❗Марий Эл Сайлымаш комиссий Председатель Ирина Татаринова 343-шо № - ан сайлымаш участкыште лийше нарушений нерген умылтарен ойлен. - Интернетыште 343- шо № - ан сайлымаш участкыште нарушений нерген увер шарлен, тидым пеҥгыдемдыме. Медведево районын территориальный сайлымаш комиссийже 19 сентябрьыште йӱклымӧ стационарный яшлыкыш икмыняр бюллетеньым кышкыме фактым рашемден. Чылажымат юватылде ыштыме: - нине бюллетень-влакым чын огыллан шотлымо; - Комиссийын 3 членжым паша деч кораҥдыме; — материалым следственный комитетыш да МВД-ш пуымо,титакан-влак мутым кучат. Ме нарушенийым огына шылте. Сайлымаш закон почеш эртышаш да вошткойшо лийшаш. Марий Эл Сайлымаш комиссий тиде фактым пален налше эскерыше-влаклан да республикысе чыла сайлымаш комиссий-влакын еҥыштлан пашам чын ыштымыштлан таушта, - каласен Ирина Татаринова.