ТАСС-лан интервьюм пуымыж годым Марий Эл вуйлатыше Юрий Зайцев
ТАСС-лан интервьюм пуымыж годым Марий Эл вуйлатыше Юрий Зайцев Марий Элыште туризмым вияҥден толмым ик эн тӱҥ отрасль семын палемден. - Кодшо ийын гына регионышкына 1,3 миллион утла турист ден экскурсант толын каен. 2024 ий дене таҥастарымаште тидыже 8 процентлан шукырак. Тений тиде чот кугурак лийшаш. Эшежым шукынжо мемнан деке толын кайымеке, угыч пӧртылаш кумылан улыт. Ме кызыт отрасльым вияҥдыме кугу мастер-планым илышыш шыҥдарена: туриндустрийын чыла шӧрынжым саемдена - инфраструктурым, транспортым, уна-влакым вераҥдыме, кумылыштым нӧлтымӧ сомылым. Турист-влакым вераҥндаш пӱртӱс лоҥгаште модульный глемпинг-влакым нӧлтена. Вашке аэропортым уэмден олмыктен шуктена. Вӱд туризмым вияндена: Козьмодемьянскысе семынак Юриныште кызыт у причалым ыштена. Событий дене кылдалтше туризмым республикыште эртарыме тӱрлӧ мероприятий-влак полшат.