"Единый Россий" партий Марий Элыште кум кечаш йӱклымашлан ямде.
"Единый Россий" партий Марий Элыште кум кечаш йӱклымашлан ямде. Россий Федерацийын Федеральный Собранийжын индешымше созыв Кугыжаныш Думыш депутат-влакым сайлымаш 18, 19 да 20 сентябрьыште эрта. Регионышто сайлымаш процессым организоватлаш Марий Эл Сайлымаш комиссий, 18 территориальный да 491 участковый комиссий йӧным ыштат. Чыла участкыште видеонаблюдений лиеш, тыгак мер эскерыше-влак пашам ышташ тӱҥалыт. Закон почеш эртышаш сайлымашын кӱлешлыкше нерген Марий Эл Кугыжаныш Погын председательын икымше алмаштышыже, "Единый Россий" фракцийым вуйлатыше, Российысе Калык-влак ассамблейын регионысо пӧлкажын председательже Лариса Яковлева ойлен. " Тӱрлӧ калык гыч лекше коллегем-влак сайлымашын чыла калыклан кӱлешан улмыжым пеш сайын умылат. 2026 ийым Российын президентше Российысе Калык- влакын икоян улмо идалыкышт семын увертарен. Марий Элыште 50 утла тӱрлӧ калык ила. Ме ик еш семын келшен илена, пырля улмаште мемнан вийна. Ӱшанем, сайлымаш чын да закон почеш эрта», — палемден Лариса Яковлева. "Единый Россий" партий йӱклымаш закон почеш, экшык деч посна эртыже манын, чыла механизмым ситарен. Кум кечыште сайлыше-влак йӧнан жапым ойырен налын да вашкыде йӱклен кертыт.