Кужэҥер посёлкысо Полевой уремыште у йоча площадкым ончал савырненыт.
Кужэҥер посёлкысо Полевой уремыште у йоча площадкым ончал савырненыт. Тудым сайлыше-влакын ойышт почеш илышыш шыҥдарыме. Объектыште могай паша ышталтмым Марий Эл Кугыжаныш Погын председательын алмаштышыже , "Единый Россий" партийын регионысо пӧлкажын секретарьжын алмаштышыже Александр Смирнов терген. Посёлкын тиде ужашыжлан йоча площадке поснак кӱлешан. Микрорайонышто шукыжым частный пӧрт-влак улыт, сандене икшыве-шамычлан канаш келыштарыме кумдык тыште лийын огыл. Ынде площадке дене Полевой, Лермонтов, Пушкин да Сосновая уремлаште илыше ӱдыр-рвезе-влак пайдаланен кертыт. Площадкым ончен лекмеке, парламентарий граждан-влаклан приёмым эртарен. Обращений-влак кундемым тӱзатыме дене кылдалтыныт. Мутлан, Будённый урем гыч Совхозный урем марте тротуарым, тулым да йолын коштмо верым, тыгак Лермонтов уремысе тротуарым тӱзатыме нерген мут лектын. Кок йодышыжымат депутат шке контрольышкыжо налын. Каҥашымаш округ вуйлатыше Ольга Ярыгина да администраций вуйлатыше Сергей Сидоркин дене вашлиймаште шуйнен. Тыгак «Мемнан кудывечысе рвезе-влак» партийын проектшым ты муниципалитетыште умбакыже илышыш шыҥдарыме нерген мутланеныт. Фотом "Единый Россий" партийын регионысо пӧлкажын воткыл лаштыкше гыч налме.