Таче дистанционный электрон йӱклымашке (ДЭГ) ушнаш йодмашым пуымаш мучашлалтеш.
Таче дистанционный электрон йӱклымашке (ДЭГ) ушнаш йодмашым пуымаш мучашлалтеш. Йодмашым 23 шагатат 59 минут марте «Госуслуги» порталыште налыт. Боевой действийын ветеранже, СВО-н участникше, Суворовын медальже дене палемдалтше Денис Медведев ДЭГ-ыш ушнаш йодмашым пуэн. "Дистанционный электрон йӱклымашке ушнаш йодмашым пуэнам. Ты йӧн жапым аныкла. Нигушкат кайыман огыл, чылажымат телефон гоч ласкан ышташ лиеш. ДЭГ пашам ыштыше, тора кундемыште улшо але тазалыклан кӧра сайлымаш участкыш миен шудымо-влаклан йӱклаш йӧным пуа», - палемден Денис Медведев. Денис нелын сусырген. Тудо ласка илышын акшым пала, сандене сайлымашке ушнымаш тудлан формальность огыл, а таче передовойышто улшо-влак ончылно мутым кучымаш. "Ме тушто шке задачынам шуктена. Тыштат, тылыште, кажнын шке задачыже уло. Кажне еҥын йӱкшым колмаште, шотлымаште ДЭГ полша», — каласен ветеран.