📰🍁Газетнан у номерыштыже лудаш темлена:
📰🍁Газетнан у номерыштыже лудаш темлена: ✅Кужэҥер округысо Топкавлак ял шотан илем кундемыште жап дене тӧр каяш тыршат. Ял администрацийым 2026 ий гыч Тамара Каменщикова вуйлата. Муниципальный службышто тыршыме паша стажше – кумло куд ий. Администрацийыште чыла сомылым кызыт шкетын шукта. Шкеже Шинурышто ила, ушкалым, тунам, шорыкым, чывым, комбым ашна да моло-влаклан сай примерым ончыкта. Умбакыже " Ял илыш" лаштыкыште лудса. ✅Филологий науко кандидат, МарНИИЯЛИ-н йылме пӧлкажын пашаеҥже, Марий Эл Республикысе наукын сулло деятельже, Марий Эл Республикын М.Н.Янтемир лӱмеш Кугыжаныш премийжын лауреатше, Российысе финн-угровед комитетын председательже Олег Сергеевлан 9 сентябрьыште 65 ий теме. Юбиляр нерген материалым «Лӱмгече» лаштыкыште лудса. ✅Тений «Идалыкын ешыже» конкурсышто «Ялысе еш» номинацийыште Параньга район гыч Тупицынмытын сеҥышыш лекмышт нерген уверым возенна ыле. Таче нунын дене лишкырак "Ӱдырамаш корно" лаштыкыште палымым ыштена. ✅7 сентябрьыште Республикысе курчак театрыште «Обыкновенное чудо» инклюзив театрым почмо. Тудо кугурак класслаште тунемше тазалык шотышто ойыртемалтше икшыве-влакын усталык шӱлышыштым да артист койышыштым вияҥдаш ышталтын. Проектым «Виктория» йоча музыкальный театр Президент грант фондын полшымыж дене илышыш пуртен. Кумданрак "Ӧрыктарыше да куандарыше театр"материалыште палдарыме. ✅«Измаил Ефимовын этносферже».Тыгай лӱман выставке 3 сентябрьыште Республикысе сӱрет сымыктыш тоштерыште почылтын. Тушко Российын сулло, Марий Элын калык сӱретчыже, Россий художество академийын почетан еҥже Измаил Ефимовын эртыше курымын 90-ше ийлаж гыч тӱҥалын тачысе кече марте ыштыме графический пашаже-влакым чумырымо. Тиде экспозиций уста сӱретчын 2023 ийысе тыгаяк лӱман ончержым умбакыже шуя. Лӱмлӧ сӱретчын икмыняр пашаж дене "Сӱретсымыктыш" лаштыкыште палыме лийын кертыда.